လက်တွေ့မျက်တွေ့ဝါဒ
သို့မဟုတ်
တစ်ရေးနိုး အဘိဓမ္မာ

သျှင်ဥက္ကဌက သူပြော၊ လူပြော တဆင့်စကားကို ကြားကာမတ္တနှင့် မှန်လှပြီ၊ ဟုတ်လှပြီဟု မယုံကြည်ပါလေနှင့်။ အသင်တို့၏ အမိအဖ၊ ဆရာသမား၊ သက်ကြီးဝါရင့်များက ပြောကြားခဲ့တဲ့စကားဖြစ်လို့ မုချဧကန် မှန်ရမည်ဟု မမှတ်ယူကြကုန်ရာ။ အသင်တို့၏ ရှေးစာအုပ်ကြီးတွေ၊ ပေထုပ်ကြီးတွေ၊
ပရပိုက်ကြီးတွေထဲမှာ ပါခဲ့တယ်ဆိုရုံမျှနှင့် မှန်လှပြီဟု မမှတ်ယူရာ။ သင်တို့၏ ကိုးကွယ်ဆည်းကပ်ရာ ဘုရားရဟန္တာတို့၏ မုက္ခပါဌ်အစစ် ဖြစ်သည်ဟု ဆိုကာမတ္တနှင့် အချွတ်ဧကန်မှန်လှပြီဟု မယုံကြည်ပါနှင့်။ သက်ကြီးစကား သက်ငယ်ကြားဟူသော ပရိဘာသာအရ အစဉ်အလာကို ရိုသေသမှု
ဤတစ်ခုတည်းဖြင့် မည်သည့်အရာကိုမျှ မှန်လှပြီဟူ၍ တထစ်ချမမှတ်ယူကုန်ရာ။ ဟူ၍ ဗုဒ္ဓစာချွန် တော် စာအုပ်အဖွင့်၌ ဆိုထားလေသည်။ မိမိစကား မဟုတ်မူ၍ ဗုဒ္ဓ၏ စာချွန်တော်ဖြစ်ကြောင်းလည်း ဖေါ်ပြထားလေသည်။
ကျွန်ုပ်တို့သည် သျှင်ဥက္ကဌ၏ စိတ်၊ ရုပ် အယူအဆနှင့်ပါတ်သက်၍ ဝေဖန်ခဲ့ကြသည်။ သျှင်ဥက္ကဌက ဗုဒ္ဓ၀ါဒ၌ စိတ်ကို အဖြစ်ထား၍ ရုပ်ကို အရှိ ပစ္စည်းထားကာ ဆွေးနွေးခဲ့သည့် အချက်အလက်များကိုလည်း မည်မျှ ယုတ္တိတန်မတန် ဖေါ်ပြခဲ့ပြီ။ ဗုဒ္ဓ၀ါဒ၌ အနောက်တိုင်းအဘိဓမ္မာများမှာကဲ့သို့ ရုပ်ကို အရှိပစ္စည်းမဖြစ် လက်ခံယုံကြည်ချက် လုံးဝ မရှိချေ။ သျှင်ဥက္ကဌကမူ ရုပ်ကို အရှိ ပစ္စည်းကြီးအဖြစ်ထားနေခြင်းမှာ ဗုဒ္ဓအလိုလော ရုပ်ဝါဒီ အလိုလော ဟု တွေးတောဘွယ်ရာဖြစ်သည်။ (Mental Substance) ခေါ် စိတ်ဝတ္ထုသဘော သည် ၄င်း၊ (Physical Substance) ခေါ် ရုပ်ဝတ္ထုသဘောသည်၎င်း၊ ဗုဒ္ဓအဘိဓမ္မာက လက်ခံသည်မဟုတ်။ ဗုဒ္ဓအလိုမှာ အသိအစဉ်သာလျှင် အရှိဖြစ်လေသည်။ ဗုဒ္ဓသည် မျက်မှောက်ဝါဒသမား သက်သက်ဖြစ်သည်ကု မငြင်းလိုပေ။ ဗုဒ္ဓပွင့်သောခေတ်က အိန္ဒိယပြည်တွင်ရှိသော ဟိန္ဒူအယူအဆများ၌ (၁) သူတပါးစကား၊ ကျမ်းဂန်စကား၊ ယုံလောက်သော မွန်မြတ်သည့် ပုဂ္ဂိုလ်တို့၏ စကားကို ကြားနာခြင်းဖြင့် မှန်သောအသိပညာရနိုင်သော အယူအဆ။ (၂) ရုပ်ဝတ္ထုပစ္စည်းတစ်ခုပေါ်တွင် အခြေတည်၍ ကျန်ဝတ္ထုတစ်ခုသို့ အနုမာန မျက်ရမ်းဆခြင်းဖြင့် မှန်သောအသိသစ် အမြင်သစ် ရနိုင်သည်ဆိုသော အယူအဆ။ (၃) ၀တ္ထုတစ်ခုနှင့် အခြားဝတ္ထုတစ်ခု နှိုင်းယှဉ်၍ အသိပညာ ရနိုင်သည် ဆိုသောအယူအဆ စသည် အသိပညာရကြောင်း တရားအမျိုးမျိုးကို
ယုံကြည်ကြသည်။ ထိုအသိပညာ၏ မူလပင်မသဘောအချို့ကို စာဖတ်သူတို့ ဗဟုသုတ ဖြစ်စိမ့်သောငှာ အကျဉ်းချုံး၍ အောက်ပါအတိုင်း ဖေါ်ပြလိုပါသည်။(၁) Sabda-Authoritative Knowledge သူတပါး၊ ယုံလောက်သူတို့ စကားကြောင့် သိမြင်နားလည်ခြင်း။ (၂) Pranana-Perception အာရုံအားဖြင့်
သိမြင်နားလည်ခြင်း အတွေ့အကြုံ။ (၃) Anumana-Inference ရုပ်ဝတ္ထုတစ်ခု ကိုမှီ၍ အခြားတစ်ခုကို တွေးခေါ်သုံးသပ်ခြင်း (အနုမာန) ဥပမာ မီးခိုးကို မြင်ရာ မီးရှိသည် ဆိုသကဲ့သို့ဖြစ်သည်။ (၄) Upamana-Comparison နှိုင်းယှဉ် သိမြင်မှု တို့ဖြစ်ပါသည်။ ဤနေရာ၌ ဗုဒ္ဓသည် (Perception) ခေါ်သော
မိမိ ကိုယ်ကို တွေ့ရှိသိမြင်မှု၌ ယုံကြည်သည်ဆိုသော်လည်း ဗုဒ္ဓ၀ါဒ၌ ဤအချက် တစ်ခုအပေါ်တွင်ပင်လျှင် ၀ိဝါဒသောင်းခြောက်ထောင် ကွဲပြားနေသည်ကို သျှင်ဥက္ကဌ မလေ့လာမိဘဲ နေမည်မထင်ပေ။ ဤအတွေ့အကြုံဝါဒကိုတည်၍ ဗုဒ္ဓ၀ါဒ ဂိုဏ်းပေါင်းများစွာ ကွဲပြားကာ၊ ၀ိဥာဏ၀ါဒဘက်သို့ လိုက်ကုန်ကြသည်
လည်း ရှိကြသည်။ မျက်တွေ့မျက်မြင် အဘယ်ကိုသင်သိစွမ်းပါသနည်း။ ဥပမာ အရာဝတ္ထုတစ်ခုကိုကြည့်ပါ သတိတစ်ခုရလာနိုင်ရန်အတွက် ထိုအရာဝတ္ထုနှင့် သိလိုသူသည် အာရုံမှတဆင့် ဆက်သွယ်ရသည်။ ဤနေရာ၌ သျှင်ဥက္ကဌက အိုယောဂီ သင်ဘယ်ဆီသွားမလဲ စာအုပ် စာမျက်နှာ (၅) တွင် ဟဒယသည်
ပြင်ပ ပသာဒ စက္ခု၊ သောတ၊ ဃာန၊ ဇီဝ၊ ကာယ တို့က တိုက်ရိုက်အာရုံယူ၍ ပို့ရှိထားသော အာရုံ (Sensation) တို့ကို မှတ်သားထားသော သဘာဝ အလျောက် ၄င်းဟဒယအပေါ်တွင် အကန့်လေးကန့်ထား၍ နေရာလေးချက် ကန့်သတ်လျှက်ရှိ၏ ဟုဆိုသည်။ တဖန် စာမျက်နှာ (၂) ၌လည်း
မိမိတို့ကိုယ် ရှိ အကြည်ပသာဒခြောက်မျိုးနှင့် ဗဟိဒ္ဓလောကရှိ ရူပါရုံ၊ သဒ္ဒါရုံ၊ ဂန္ဓာရုံ၊ ရသာရုံ၊ ဖေါဌဗ္ဗာရုံ တို့တိုက်ရိုက်တွေ့ဆုံမှသာလျှင် ပဋိစ္စသမုပ္ပါဒ်တရားအရ၊ စိတ်ဝိဥာဏ် နာမ်တရားများ ဖြစ်ပေါ်လာခြင်းကို တွေ့ရပေတယ် ဟုဆိုသည်။ သျှင်ဥက္ကဌအဆို မှားသည်ဟုမဆိုလိုသော်လည်း
မှန်သည်ဟူ၍လည်းမဆို လိုပေ။ စဉ်းစားစရာ များစွာရှိသည်ဟုသာ ဆိုလိုပေသည်။ သျှင်ဥက္ကဌဆိုလိုရင်း ကို အလွယ်ဆုံးဖြစ်အောင် ပြန်ပြောရလျှင် လူ၌ ရှိသော ပသာဒခြောက်မျိုးနှင့် ပြင်ပကမ္ဘာမှ ရုပ်ဝတ္ထုတစ်ခုကို ထိတွေ့လိုက်သည်ရှိသော် အာရုံစတင်ဖြစ်ပေါ် လာသည်။ ဥပမာ မိမိစာရေးနေသော
ကလောင်ကို မိမိ၏စက္ခုပသာဒဖြင့် ကြည့်လိုက်သော် အရာဝတ္ထုတခုကို မြင်ရမည်။ အပြာရောင်ရှိက ကလောင် ပြာဖြင့်မြင်ရသည်။ သို့သော် အပြာကိုမြင်ရခြင်းသည် မိမိစက္ခုပသာဒနှင့် ၀တ္ထုကြား၌ အလင်းရောင်တည်းဟူသော ပေါင်းကူး ရှိရပေသေးသည်။ သို့ဆိုလျှင် သိမှု၌ ရုပ်ဝတ္ထု၊
စက္ခုပသာဒ နှစ်ခုတည်းရှိရုံမျှနှင့် မပြီးသေးကြောင်း ထင်ရှားသည်။ ထိုထက် နက်နက်ရှိုင်းရှိုင်းစဉ်းစားတတ်ပါလျှင် ပိုမိုနက်နဲသော အမြင်တစ်ခု ရလာဖွယ်ရှိသေးသည်။ ထိုကား အခြားမဟုတ် ဗုဒ္ဓအဘိဓမ္မာ၌ အရာဝတ္ထုတိုင်းသည် အမြဲတစေ တည်ရှိသည်မဟုတ်၊ ထာဝစဉ်မြစ်ရေလျင် ကဲ့သို့ အစဉ်တစိုက် ပြောင်းလဲပျက်စီးနေသည်။ မဟာပရိနိဗ္ဗာနသုတ်၌ မြတ်စွာဘုရားသခင်က ဖြစ်ပေါ်လာသမျှသော အရာခပ်သိမ်းတို့၌ အကြောင်းတရားက
ဖန်တီးဖြစ်ပေါ်ရသည်သာ ဖြစ်သောကြောင့် မည်သည့် အရာမျှ မတည်မြဲနိုင်ချေ ဟူ၍ ဟောကြားခဲ့လေသည်။ ဤအချက်ကို သျှင်ဥက္ကဌ ငြင်းလိုပါသလော၊ မငြင်းနိုင်ဆိုပါက ဆိုခဲ့ပြီးသော လက်ထဲမှ ကလောင်ကို တစုံတစ်ယောက်သောသူသည် ကိုင်ထားရင်းမတ္တက ကလောင်သည် တဖြည်းဖြည်းဟောင်းနွမ်းပျက်စီးနေသည် မဟုတ်လော။ သို့သော် လက်ကမူ ကလောင်ကို ကိုင်ထားသည်ဟုသာ သိပြီး မိမိကိုင်ထားသော ကလောင်သည်
မိနစ်စက္ကန့်တိုင်းမှာ ပြောင်းလဲနေသော ကြောင့် စာရေးနေစဉ်အတွင်းပင် စောစောက ကလောင်နှင့် ယခုကလောင် မတူတော့ပြီ၊ ပြောင်းလဲသွားပြီကို မသိဘဲရှိတတ်သည်။ အရာဝတ္ထုတိုင်းသည် အစဉ်တစိုက် ပြောင်းလဲပျက်စီး နေသည် ဖြစ်သောကြောင့်လည်း အရာဝတ္ထုတခုကို မိမိကကြည့်မည်ဟု ပြဌာန်းပြီး
ဖြတ်ကနဲကြည့်လိုက်သည်နှင့် တပြိုင်နက် မိမိမြင်သောအရာသည် မိမိကြည့်မည်ဟု စိတ်ကူးသောအရာနှင့် မတူနိုင်တော့ပေ။ အဘယ်ကြောင့်ဆိုသော် ကြည့်မည်ဟုစိတ်ကူးစဉ်က ရှိနေသောအရာသည် ကြည့်လိုက်သောအချိန်၌ ရှိသောအရာနှင့်မတူ ပြောင်းလဲသွားလေပြီ။ သို့ဆိုလျှင် အဘယ်အရာကိုကြည့်
၍ အဘယ်အရာကို လူသားသိနိုင်ပါသနည်း။ သူသိသောအရာသည် သူသိသော အရာနှင့် တခြားစီဖြစ်နေပြီ မဟုတ်ပါလော။ ပိုမိုနားလည်စေရန် ရှင်လင်းဖေါ်ပြရလျှင် လူတစ်ဦးသည် ရေအလျှင်ဖြင့် စီးဆင်းနေသော မြစ်တခု အတွင်းသို့ဆင်းပြီး နောက်တစ်ကြိမ် ထိုနေရာသို့ပင် ဆင်းသည်ဆိုပါစို့ ထိုသူ၌ ပထမအကြိမ် ဆင်းသောအခါ စွတ်စိုသောရေနှင့် ဒုတိယအကြိမ်ဆင်းသောအခါ စွတ်စိုသောရေတို့ လုံးဝမတူတော့သည်ကို စဉ်းစားကြည့်ရာသည်။ တဖန် စဉ်းစားပါဦး အရာဝတ္ထုတခုကို မိမိကြည့်မည်ဟု စိတ်ကူးပြီး ကြည့်လိုက် သည်နှင့်တပြိုင်နက် ထိုပစ္စည်းပြောင်းလဲသွားပြီဖြစ်သောကြောင့် မိမိကြည့်မည့် အရာဝတ္ထုနှင့် မိမိမြင်သောအရာဝတ္ထု မတူနိုင်လျှင် မိမိမြင်သောအရာသည် အမှန်ပင်မိမိကြည့်သော အရာဖြစ်ကြောင်း
အဘယ်နည်းနှင့်ဆိုပါမည်နည်း။ မိမိမြင်သောအရာတိုင်းသည် အစဉ်ပြောင်းလဲနေသော အရာသာဖြစ်သော ကြောင့်လည်း အဘယ်အရာကို မိမိမြင်ပါသည်ဟု ဧကန်မုချဆိုမည်နည်း။ စဉ်းစားကြည့်ပါဦး အရာဝတ္ထုသည် ပြောင်းလဲသွားသကဲ့သို့ မိမိစက္ခုပသာဒနှင့် တကွသော ကျန်ပသာဒအားလုံးသည်လည်း
ပြောင်းလဲနေသည်မဟုတ်လော။ သို့ဆိုလျှင် ပြောင်းလဲနေသော ပသာဒတစ်ခုက ပြောင်းလဲနေသောအရာဝတ္ထု တခုကို ထိတွေ့၍ လက်တွေ့မျက်တွေ့ အသိကိုရှာသောအခါ၊ အဘယ်မည်သော အသိမှန်ကိုရပါမည်နည်း။ အဘယ်မည်သော ပညာရှင်သည် အသိမှန် အမြင်မှန်ရပါမည်နည်း။ တဖန်စဉ်းစားပါဦး
အရာဝတ္ထုတခုကို မြင်သိသောအခါ၌ ကျွန်ုပ်တို့မြင်သောအရာသည် အဘယ်နည်း။ ထိုအရာဝတ္ထု၏ အပြင်ပန်းသဏ္ဍာန် အသွင်အပြင်သာလျှင်မဟုတ်လော။ ထိုပြင်ပသဏ္ဍာန်ဆိုရာမှာပင် ထိုအရာဝတ္ထု၏ အရောင်အဆင်း၊ အလေးချိန်၊ အတိုင်းအဆ၊ အရွယ်အစား စသည်တို့သာလျှင်ဖြစ်၏။ အခြားမည်သည့်
အရာကိုမျှမသိချေ။ မြင်လည်းမမြင်ချေ။ သို့သော် ဆိုခဲ့ပြီးသော အရောင်အဆင်း၊ အလေးချိန်၊ အရွယ်အစား၊ အတိုင်းအဆတို့သည် ထိုအရာဝတ္ထု၏ အရည်အချင်းများသာဖြစ်၏။ ပင်ကိုယ်သဘာဝမဟုတ်ကြချေ။ မြင်မှတွေ့မှယုံသော ထိုလူသားအဖို့ အရာဝတ္ထုတို့သည် အပေါ်ပြင်က
အသွင်သဏ္ဍာန်များကိုသာ မြင်စေသိစေသည်။ ထို့ထက်ပို၍ တစိုးတစိမျှ မသိနိုင်ချေ။ သို့ဖြစ်သောကြောင့် ၀တ္ထုပစ္စည်းတို့၏ မူလပင်မသဘောသည် ဘယ်သောအခါမျှ သျှင်ဥက္ကဌအားကိုးသော စက္ခု၊ သောတ၊ ဃာန၊ ဇီဝ၊ ကာယ စသည် ပသာဒတို့၌ မတင်နိုင်ချေ။ ထို့ကြောင့် ထိုပသာဒအားကိုးဖြင့်လည်း
ဝတ္ထုပစ္စည်းတို့၏ မူလဘူတသဘောကို မသိနိုင်၊ မမြင်နိုင်။ စဉ်းစားပါဦး ယခုဆို သကဲ့သို့ လူသည်ပသာဒတို့ဖြင့် အရာဝတ္ထုတို့၏အပေါ်ယံက အသွင်သဏ္ဍာန် များကိုသာ တွေ့မြင်သိရှိနိုင်သည်ဖြစ်သောကြောင့် ထိုမိမိတို့သိသော အရာသည်လည်း ထိုဝတ္ထုပစ္စည်း၏ တကယ့်တကယ်ပိုင်ဆိုင်သော
အရည်အချင်းများ ဖြစ်သည်ဟူ၍ အဘယ်သို့ဆိုနိုင်မည်နည်း။ ထိုဝတ္ထုပစ္စည်း နှင့် ကျွန်ုပ်တို့မြင်ရသော အပေါ်ပြင်က အသွင်အပြင်တို့သည် အညမည ဆက်သွယ်သည်ဟူ၍ ဘယ်သို့ဆိုမည်နည်း။ ဆိုမည်ဆိုလျှင် ဆိုနိုင်သော အကြောင်းရှိ၏။ သို့သော် ထိုအကြောင်းကား သျှင်ဥက္ကဌတို့ ယုံကြည်သော
မျက်မြင်လက်တွေ့ပြနိုင်သော အကြောင်းမဟုတ်ချေ။ သုံးသပ်တွေးခေါ်မှ သိမြင်နိုင်သော အကြောင်းတရား ဖြစ်ချေသည်။ လောကတွင် အမှန်တရား ကိုသိရှိနိုင်ရန် အသိပညာကို နည်းမျိုးစုံဖြင့် ပညာရှင်များရှာကြံခဲ့ကြ လေပြီ။ ဗုဒ္ဓမတိုင်မီကပင် အိန္ဒိယပြည်၌ ချားဗားကား ခေါ်သော ရုပ်ဝါဒီများ ပေါ်ပေါက်
ခဲ့ကြလေသည်။ ထိုသူတို့သည် သျှင်ဥက္ကဌဖေါ်ပြခဲ့သော (သူပြော၊ လူပြော တဆင့်စကားကို ကြားကာမတ္တနှင့် မှန်လှပြီဟု မယုံကြည်ကြပေ။ ကျမ်းဂန် စာပေကဆိုသောကြောင့် မှန်သည်ဟူ၍လည်း မယုံကြည်ကြချေ။ မီးခိုးကို မြင်ကာမတ္တဖြင့် မီးရှိပြီဟု မျက်တွေ့မျက်မြင် မဟုတ်ဘဲ တွေးခေါ်သုံးသပ်သော အသိပညာမျိုးကိုလည်း မှန်လှပြီဟူ၍ မယုံကြည်ကြချေ။ ထိုသူတို့ကား ရုပ်ဝါဒီ စစ်စစ်များဖြစ်ကြ၏။ ရုပ်သာလျှင်
အရှိတရားကြီးဖြစ်သည် ဟူ၍လည်း ယုံကြည်ကြသည်။ စိတ်မှာကား ရုပ်ပေါ်တွင်တည်မှီ၍ ဖြစ်ရသော အဖြစ်တရား သာဖြစ်ကြောင်း ယုံကြည်သည် ဖြစ်ရကား အသိပညာဆိုင်ရာ သဘောတရား တွင်လည်း ရုပ်မှတ်သိမှု၊ မျက်မှောက်မျက်မြင် ကိုသာ လက်ခံခဲ့ကြလေသည်။ သျှင်ဥက္ကဌမှာလည်း
ရုပ်ကိုအရှိ၊ စိတ်ကိုအဖြစ်တရားအဖြစ် ယုံကြည်ရာ၌၄င်း၊ အသိပညာဆိုင်ရာ သဘောတရား၌ လက်တွေ့မျက်တွေ့ကိုမှ ယုံကြည်ရာ သည်ဟူ၍ မြွက်ဟပြောဆိုရာ၌၄င်း၊ ဗုဒ္ဓ၀ါဒီ မဆန်ဘဲ ချာဗားကားခေါ် ရုပ်ဝါဒီ ဆန်လှချေတော့သည်။ ရုပ်ဝါဒီဆိုရာမှာပင် ခေတ်သစ်ရုပ်ဝါဒီမဟုတ်
ဟောင်းနွမ်း ပြောက်ကွယ်ခဲ့ပြီဖြစ်သော ရုပ်ဝါဒီများ၏ အယူအဆဆွေးများကို တရေးနိုးမှထ၍ ကယောင်ကတမ်း ပြောဆိုသည်နှင့်သာတူလေတော့သည်။ မရှိတရားကို အစွဲပြု၍ ပြောဆိုခြင်းသည် မှားသောဥပါဒါန် ဖြစ်ကြောင်း ယုံကြည် ထားသည်ဖြစ်၍ သျှင်ဥက္ကဌက အရှိတရားကို ခြေကုတ်ကာ ပြောလိုဟန်ရှိသည်။ သျှင်ဥက္ကဌယုံကြည်သကဲ့သို့ လောက၌ရုပ်ဝတ္ထုတို့သည် အရှိတရားများ ဖြစ်ကြသည်ဟူ၍ အဘယ်မည်သော အထောက်အထား သာဓကဖြင့် သျှင်ဥက္ကဌသည် အဘိဓမ္မာဆန်ဆန် သက်သေထူပြနိုင်ပါမည်နည်း။ ရုပ်သည် အရှိဖြစ်သည်ဆိုခြင်းအတွက် ရုပ်ရှိကြောင်း အထောက်အထားဖြင့် ပြပါဦးလော့။ ရုပ်သည် မျက်စိဖြင့်မြင်ရသောကြောင့် ရှိပါသလော။ စိတ်သည် မျက်စိဖြင့် မမြင်ရသောကြောင့်
အရှိမဟုတ်တော့ပြီလော။ မေးခွန်းတစ်ခုတော့ မေးကြည့်ချင်ပါသေးသည်။ ကောင်းပါပြီ မျက်စိရှိကာမတ္တဖြင့် စိတ်မရှိဘဲ ရုပ်ရှိကြောင်း အဘယ်သို့သိပါသနည်း။ သက်ရှိရုပ်တို့သည် မျက်စိရှိလျှက် စိတ် (အသိဓါတ်) မရှိသောအခါ ပျက်စီးရသည် မဟုတ်လော။ ရုပ်ရှိသည် ရုပ်ရှိသည်ဟု ဆိုနေသူများမှာ ရုပ်ရှိကြောင်းသိထားရပေမည်။ ရုပ်ရှိကြောင်း ဘယ်အရာကသိသနည်း။ ၀ိဥာဉ်ကသိ၏ ၀ိဥာဉ်သည် စိတ်အစဉ်ပင်ဖြစ်၏။ သျှင်ဥက္ကဌအနေနှင့် အဘိဓမ္မာ၌ တစ်ဖက်စွန်းနင်းဝါဒကို လက်ကိုင်ထားသမျှ ကျန်တစ်ဖက်စွန်း ထောင်နေမည်ကို သတိပြုရာသည်။ ဤသို့ဝေဖန်သော
ကြောင့် ကျွန်ုပ်တို့အား ၀ိဥာဏ၀ါဒ ဂိုဏ်းသားများဖြစ်သည်ဟု ဆိုဖွယ် အကြောင်းမရှိချေ။ ကျွန်ုပ်တို့ကား ရုပ်ထက်ဝိဥာဏ်ဓါတ်က ပို၍ အရးကြီးသည် ဟုလည်းမယူချေ။ ယထာဘူတိက သစ္စာဝါဒကို လက်ခံသူများထဲတွင် ကျွန်ုပ်တို့ ပါ၏။ ကျွန်ုပ်တို့ အနေနှင့်ကား ရုပ်ဝါဒသည်လည်းကောင်း၊ ၀ိဥာဏ
ဝါဒသည်လည်းကောင်း လောကကိုရှိရင်းစွဲအတိုင်း၊ ယထာဘူတ အတိုင်း၊ ပကတိအတိုင်း မကြည့်ကြကုန်သည်ဖြစ်၍ လောကကိုအကျိုးမပြုဟု မြင်သည်။ လက်ငင်းဖြစ်ရသောဘ၀ကို မျက်မှောက်ပြုနေရသော လူသား မှန်သမျှ လောကဖြစ်စဉ်များကို ယထာဘူတကျအောင်ကြည့်လျှင် ရုပ်နှင့်စိတ် သည် သက်ရှိရုပ်၏ ၀ိသေသလက္ခဏာများ ဖြစ်ကြသည်ကို မြင်ရမည်။ ထိုတရား နှစ်ပါးသည်သာ လောကကိုအတူတကွ အကျိုးပြုနေကြပေသည်။

အာရုံသိမှုပြဿနာများ

အရှေ့တိုင်း တွေးခေါ်မှုပညာ၌ အာရုံသိမှုဆိုင်ရာ ပြဿနာအမြောက် အများ ရှိသည်။ အာရုံသိမှုမှာ ရုပ်ဝတ္ထုတခုနှင့် သိလိုသူတို့ ဆက်စပ်မှုသဘော ပင် ဖြစ်သည်။ တနည်းဆိုရပါလျှင် သျှင်ဥက္ကဌတွေးခေါ်သကဲ့သို့ စက္ခု၊ သောတ၊ ဃာန၊ ဇီဝ စသည်တို့က တိုက်ရိုက်အာရုံယူ၍ ဟဒယသို့ပို့ကာ သိမြင်မှုမျိုး
ဖြစ်သည်။ အိန္ဒိယပြည်၌ ဂျိမ်းဝါဒကလည်း ထိုအယူအဆကို တနည်းတဖုံ လက်ခံသည်။ ဂျိမ်းဝါဒတွင် ချက်ခြင်းတိုက်ရိုက်အသိနှင့် သွယ်ဝိုက်၍ သိသော အသိဟူ၍ နှစ်မျိုးခွဲ လက်ခံသည်။ ထို့ပြင် တိုက်ရိုက် အသိမှာပင် အာရုံသိ သက်သက်၌ ထူးခြားသောအသိဟူ၍ ခွဲခြားထားသေး၏။ လူတစ်ဦးတစ်ယောက်
သည် မောဟ၊ ဒေါသ၊ မာန်မာနများကို ကျော်လွန်နိုင်သောအခါ ထိုသူသည် အခြားလူ တစ်ဦးတစ်ယောက်၏ ရှေးဖြစ်နောက်ဖြစ် အားလုံးကို လက်တွေ့ မျက်တွေ့အားဖြင့် မြင်နိုင်သည်ဟု အယူရှိ၏။ တစ်စုံတစ်ယောက်သောသူသည် မိမိ၌ ငြိတွယ်နေသော ကာမုပ္ပါဒါန်အားလုံးကို ခွဲခွါနိုင်သောအခါ၌ကား
အလုံးစုံသော တရားကို သိမြင်နိုင်သောဥာဏ်တော်ကို ရသည်ဟု အယူရှိလေသည်။ နျာယ၀ါဒ၌လည်း လောကီအသိနှင့် အလောကီအသိဟူ၍ နှစ်ပိုင်း ပိုင်းထားသည်။ အာရုံနှင့်ဆက်စပ်သိရသော အသိမှန်သမျှမှာ လောကီအသိများ ဖြစ်ကြသည်။ အလောကီအသိတွင်ကား အရာဝတ္ထုတို့သည် အာရုံ၌ ထင်လာ
ခြင်မရှိ တစုံတရာ ထူးခြားသောအကြောင်းက အရာဝတ္ထုကို အာရုံနှင့် ဆက်သွယ်ပေးသည်။ ဥပမာ ရေခဲကို မြင်ရုံနှင့် စိတ်ထဲက အေးသည်ဟူသော အာရုံဖြစ်လာသည်။ သံပုရာသီးနှင့် ဆားကိုမြင်သောအခါ သရေဖြစ်ပေါ်လာ သကဲ့သို့ပင်တည်း။ နောက်တနည်းမှာ လူတိုင်းသည် အနိစ္စဖြစ်ကြ၏
ဟုဆိုရာ၌ ကျွန်ုပ်တို့ သိနိုင်သောအချက်က လူတချို့သာဖြစ်၏။ လူဖြစ်ခြင်းဆိုသော သဘော၊ လူဟူသောသီးသန့် အတန်းအစားသဘောသည် မြင်နိုင်၊ သိနိုင်၊ တွေ့နိုင်သော အရာမဟုတ်။ အလိုလို သိလာသောအရာသာဖြစ်သည်။ လူတိုင်းနှင့် စပ်ဆိုင်သော လူဖြစ်မှု (Manhood) မှာစိတ်အာရုံသို့ တမဟုတ်
ခြင်း ရောက်လာသော အသိတရားတမျိုးဖြစ်သည်။ နောက်တမျိုးမှာ တစ်စုံတစ်ယောက်သောသူသည် ယောဂီကျင့်စဉ်၌ ပေါက်မြောက်အောင် ကျင့်ပြီး အတိတ်၊ အနာဂါတ်၊ အားလုံးခပ်သိမ်းသောအရာမှန်သမျှ သိနိုင်သော ဥာဏ်မျိုးကိုလည်း ရုပ်မှတ်သိမှု သဘောတရားအဖြစ် လက်ခံကြလေသည်။ အနောက်တိုင်း
အဘိဓမ္မာ၌ ထိုကဲ့သို့ (Extra-Ordinary Perception) ခေါ် ထူးခြားသော သိမှုမျိုးကို လက်ခံခြင်းမရှိချေ။ ဗုဒ္ဓအဘိဓမ္မာသည် ဟိန္ဒူဝါဒ အတန်အသင့် လွှမ်းမိုခြင်းခံရသည်ကို မည်သူမျှမငြင်းနိုင်ချေ။ ထို့ကြောင့် ဗုဒ္ဓအဘိဓမ္မာ၌ ယောဂီကျင့်စဉ်များကို တွေ့ရပေမည်။ နိဗ္ဗာန်ဆိုသော အတွေ့အကြုံကို
သာမညရုပ်မှတ်သိမှုမျိုးနှင့် သိနိုင်သည်မဟုတ်၊ ယောဂီကျင့်စဉ်ဖြင့်သာ ပေါက်မြောက်နိုင်ခြင်းဖြစ်သည်။ ဤနေရာတွင် အတွေးအခေါ် ဖီလိုဆိုဖီပညာ၌ လေ့လာလိုက်စားသူ ပုဂ္ဂိုလ်များ သိအပ်ဖွယ်ရာ သိမှုနှင့် စပ်ဆိုင်သော သဘောတရားတခုကို ထပ်မံတင်ပြလိုပါသည်။ သျှင်ဥက္ကဌတို့ကဲ့သို့
လက်တွေ့မျက်တွေ့သမားများ ယုံကြည်သော သိမှုဆိုင်ရာ သဘောတရားများနှင့် ယှဉ်နှိုင်းလေ့လာရန်လည်း ဖြစ်ပါသည်။ ထိုအချက်မှာ အခြားမဟုတ် အိန္ဒိယပြည်မှ ဂျိမ်းအယူကို လက်ခံသော ပုဂ္ဂိုလ်တို့၏ အယူအဆပင်ဖြစ်ပါသည်။
ဂျိမ်းအယူအဆအရ လူသားသည် ဤကမ္ဘာရှိမည်သည့်ပစ္စည်းကိုမျှ လုံးဝဥဿုံအကုန်အစင် မသိနိုင်ချေ။ ဆိုလိုရင်းမှာ မိမိမျက်စိအောက်တွင် ရှိနေသော စာအုပ်လေးတစ်အုပ်အကြောင်းကိုပင် အကုန်လုံးအပြည့်အစုံ မသိနိုင်ဟူ၍ဖြစ်သည်။ သိနိုင်ပါသလား မသိနိုင်သည်မှာအမှန်ပင်ဖြစ်သည်။
အဘယ်ကြောင့်မသိနိုင်သနည်း။ အကြောင်းမူ ဤစာအုပ်တွင် မူလ (အဖြစ်) သဘောက တစ်ပိုင်း၊ ဆန့်ကျင်မူလ (မဖြစ်) သဘောက တစ်ပိုင်းရှိသည်။ အင်္ဂလိပ်ဘာသာအားဖြင့် (Positive Aspect) နှင့် (Negative Aspect) ဟူ၍ ဆိုရပေမည်။ ဥပမာ အဖြစ်၊ အရှိသဘောမှာ ဤစာအုပ်သည် မည်သို့သော
စာအုပ်၊ မည်သူလုပ်သောစာအုပ်၊ မည်သူရေးသောစာအုပ်၊ မည်သည့်နေရာ တွင်လုပ်သော စာအုပ်၊ မည်သည့်အချိန်ကလုပ်သော စာအုပ်၊ မည်သို့သော စိတ်ကူး အကြောင်းအရာများပါသော စာအုပ် စသည်အကြောင်းအရာများ ဖြစ်သည်။ ရေတွက်၍ မကုန်နိုင်သော အကြောင်းအရာများဖြစ်ကြသည်။
မရှိ၊ မဖြစ်သဘောမှာ ဤစာအုပ်သည် စားပွဲမဟုတ်၊ လူမဟုတ်၊ လွယ်အိတ်မဟုတ်၊ ဖောင်တိန်မဟုတ်၊ အနက်မဟုတ်၊ အကြီးမဟုတ် သို့လျှင် မဟုတ်သော အချင်းအရာများကို ရေတွက်မည်ဆိုပါကလည်း ဆုံးနိုင်အံ့မထင်။ အဘယ်ကြောင့်ဟူမူ လောကတွင်ရှိရှိသမျှ အရာဝတ္ထုမှန်သမျှနှင့် ဤစာအုပ်မှာ ခြားနားရကား ဤစာအုပ်ကို ဖေါ်ပြလိုလျှင် ကျန် တစ်ကမ္ဘာလုံးက ပစ္စည်းများ မဟုတ်ကြောင်းပြရပေမည်။ သို့ဆိုလျှင်လူသည်
မျက်စိဖြင့်မြင်ကာမျှ၊ နားနှင့်ကြားကာမျှဖြင့် အရာဝတ္ထုတို့၏သဘောကို အကုန်အစင်သိနိုင်ပါ သလော။ မသိနိုင်ကြောင်းမှာ ထင်ရှားလှပါသည်။လောကတွင် အမှန်တရား ဟူသည် အဘယ်ကဲ့သို့ဖြစ်သည်ဟူ၍၄င်း၊ အမှန်တရားကို အဘယ်နည်းဖြင့် သာ သိနိုင်သည်ဟူ၍၄င်း၊ ပြောဆိုရေးသား အငြင်းပွါးနေကြသူများမှာကား ဆင်ကောင်ကြီးကို လက်နှင့်ကိုင်စမ်းကာသာလျှင် ဆင်ဆိုသည်မှာ မည်သည့် အရာနှင့်တူသည်၊ မည်သို့ဖြစ်သည်ဟူ၍ ပြောဆိုအငြင်းပွါးနေကြသော မျက်မမြင်ပုဏ္ဏား (၆) ဦးနှင့်သာတူချိမ့်မည်။ အမှန်တရားကိုကား မည်သို့သော ပုဂ္ဂိုလ်မျှ လုံးဝဥဿုံ ငုံ၍မသိနိုင်။ သိလျှင်တမူလည်း အမှန်တရား၏ တပိုင်းတစ ကိုသာ သိသည်ဟူလို။ သျှင်ဥက္ကဌကမူ အမှန်တရားကို အနန္တ၊ အနာဒိ၊ အစအဆုံးမရှိ၊ တစ်ခုတည်းသောတရားဖြစ်ကြောင်းပြောထားပေရာ ကျွန်ုပ်တို့ အနေနှင့် သျှင်ဥက္ကဌအား မေးခွန်းတစ်ခုမေးလိုပေသည်။ အဆုံးအစမထင်သော ထိုအမှန် ဓမ္မကြီးရှိကြောင်း
သျှင်ဥက္ကဌမည်သည့်နည်းနှင့်သိပါသနည်း။ စက္ခု၊ သောတ၊ ဃာန၊ ဇီဝ စသည်ပသာဒတို့ဖြင့် အစအဆုံးမရှိသော အမှန်ဓမ္မတရား ကြီးကို ထိတွေ့မြင်သိ၍ရပါသလား။ အမှန်ဓမ္မကြီးတခုလုံးကို မဆိုထားဘိ၊ အနာဒိ၊ အနန္တဟူ၍ ဆိုရမည့် (Infinity) အင်ဖိနိုတီ ကိုပင်မြင်ရသည်၊ တွေ့ရသည်မဟုတ်။ သချာင်္ဗေဒတွင်ရှိသော အင်ဖိနိုတီ သဘောကို မြင်သိ၊ တွေ့သိ၍ ရပါသလော။ စဉ်းစားစရာပင်။ ဆက်လက်၍ အလျှင်းသင့်သည် ဖြစ်သောကြောင့်
အနောက်တိုင်း တွေးခေါ်ရှင်များ၏ မြင်သိ၊ တွေ့သိ အဘိဓမ္မာကို ဆက်လက်တင်ပြလိုပါသေးသည်။ ဤနေရာ၌ စာဖတ်သူစာနာသူ သည် သျှင်ဥက္ကဌ၏ အာရုံသိသည် အဘယ်မျှမှန်၍ အဘယ်မျှယုတ္တိတန်မှုရှိ သည် မရှိသည်ကို နှိုင်းယှဉ်စဉ်းစားကြစေလိုပါသည်။ သျှင်ဥက္ကဌသည် စိတ်ကို အရှိတရားမဟုတ်ဟု
ဆိုထားသည် ကိုစာဖတ်သူမှတ်မိပါလိမ့်မည်။ သျှင်ဥက္ကဌ အလိုအားဖြင့် စိတ်သည်အဖြစ်တရားသာ ဖြစ်လေသည်။ အဖြစ်တရားဆိုရာမှာ လည်း (မိမိ၏ အဇ္ဇျတ္တိက ကိုယ်၌ရှိသော စက္ခု၊ သောတ၊ ဃာန၊ ဇီဝ၊ ကာယ ဟဒယ တို့နှင့် ဗဟိဒ္ဓ ရူပ၊ ဂန္ဓ၊ ရသ၊ ဖေါဌဗ္ဗ စသည်တို့တွဲကြမှ ပေါ်ပေါက်လာ
သော အဖြစ်တရားကို စိတ်ဟုခေါ်သည်) ဟူ၍လည်း ဖေါ်ပြထားသေး၏။ သို့ဖြစ်ချေသောကြောင့် စိတ်သည် သိမှုတမျိုးသာဖြစ်၍ ကာယကဲ့သို့ (၀ါ) ရုပ်ကဲ့သို့ ရပ်တည်မှုမရှိကြောင်း သျှင်ဥက္ကဌအလိုအရ သိနိုင်ပါသည်။ သို့ဖြစ်လျှင် စဉ်းစားစရာတခု တင်ပြပါမည်။ ဥပမာ သာမိုမီတာ ပြဒါးတိုင် တစ်ခု သည် ဗဟိဒ္ဓလောကမှ အပူ၊ အအေးစသည်တို့နှင့်ထိတွေ့သောအခါ ပြဒါး အတက်အကျဖြစ်ပြီး အပူမည်မျှရှိကြောင်းဖေါ်ပြကြသည်။ ဤသို့ဖြစ်နေခြင်း သည် ပြဒါးတိုင်ကအပူရှိန်မည်မျှရှိကြောင်း သိသောကြောင့်လော။ ထိုဖြစ်မှု သည် စိတ်မဟုတ်ကြောင်းလူတိုင်းသိကြသည်။ သာမိုမီတာအနေနှင့် အပူအအေးကို တွေ့ထိသိရှိသည်မဟုတ်၊ အဘယ်ကြောင့်ဆိုသော် ထိုအရာတွင် စိတ်မရှိသောကြောင့်ပင်ဖြစ်သည်။ ဤမျှဖေါ်ပြလိုက်ရုံဖြင့် စိတ်ရှိမှ သိမှုဖြစ်နိုင်ကြောင်း စဉ်းစားဖွယ်တချက်ဖြစ်လာပါသည်။ တွေ့ထိမြင်တွေ့မှု ဖြစ်ပွါးကြောင်းး၌ စိတ်ရှိမှဖြစ်သည်ဟု အနောက်တိုင်းအတွေးအခေါ်ရှင်များ ဖြစ်ကြသော ဂျွန်လော့နှင့်ဘာကလေ တို့ကယူဆကြသည်။ အာရုံသက်သက် တို့ကားရုပ်ပေါ်တွင်ဖြစ်ပေါ်လာသော ပြောင်းလဲမှုများသာဖြစ်ပေရာ စောစောကတင်ပြခဲ့သော
သာမိုမီတာ၌ဖြစ်ပေါ်သော ပြောင်းလဲမှုများနှင့် မည်သို့မျှ မခြားနားပေ။ အာရုံတို့ကို စိတ်ကသတိမလိုက်သေးသရွေ့ ကာလပတ်လုံး အာရုံသာဖြစ်ပြီး သိမှု ဖြစ်မလာချေ။ အာရုံသက်သက်အဖြစ် သာ တည်ရှိနေပေလိမ့်မည်။ စိတ်ကထိုအာရုံတို့ကို အသိအမှတ်ပြုကာမှ တွေ့သိ၊ မြင်သိတည်းဟူသော
အသိအဖြစ်သို့ပြောင်းလဲသွားကြသည် သာဖြစ်၏။ တဖန် သျှင်ဥက္ကဌ မစဉ်းစားမိသော အချက်တခုရှိပါသေး၏။ ထိုအချက်မှာကား တွေ့ထိ၊ မြင်သိမှု (ပါဆက်ရှင်း) သည် အာရုံသက်သက် (Bare Sensation) နှင့်လားလားမျှ မတူညီသကဲ့သို့ ထိုတွေ့သိ၊ မြင်သိသည် မြင့်မားသော အသိများဖြစ်ကြသောတွေးသိ (Imagination) မြှော်ခေါ်သိ (Speculation) ၊ ထပ်ပြန်သိ (Remembrance) တို့နှင့်လည်း မတူသေးပေ။ ထိုအသိတရားကို
မည်သို့ခြားနားကြပါသနည်း။ အဖြေကား တွေ့သိ၊ မြင်သိ၊ (Perception) တွင်အာရုံသည် ပထမအဆင့် အာရုံပေါ်၌ မှတ်သားမှု (သတိ ကပ်မှု)Impression သည် ဒုတိယအဆင့် အဖြစ်ပါဝင်နေရသော်လည်း ဆိုခဲ့ပြီးသော မြင့်မားသောအသိတရားများ ( တွေးသိ၊ မြှော်ခေါ်သိ၊ ထပ်ပြန်သိ) ၌ အာရုံလည်းမလို၊ သတိကပ်မှုလည်းမလို မပါဝင်လည်း ဖြစ်ပေသည်။ တဖန်တုံ တွေ့သိ၊ မြင်သိတွင် မိမိတို့၏ ပသာဒတို့နှင့် ဗဟိဒ္ဓမှ သဒ္ဒါရုံ၊ ဂန္ဓာရုံ၊ ရူပါရုံ၊ ရသာရုံသို့ တွေ့ထိတွေ့ထိ သည်လောက်သာ သိနိုင်၏။ ထိုထက် ပို၍ ဘာကိုမျှမသိ။ ထိုကဲ့သို့ပင် မိမိတို့တွေ့ထိသည်ကလွှဲ၍လည်း ဘာကိုမျှ ပြောင်းလဲမသိနိုင်သည်ကို စဉ်းစားရာသည်။ သို့သော တွေးသိတွင်ကား မိမိတို့ စိတ်ကူးချင်ရာကူးကြည့်နိုင်သဖြင့် လွတ်လပ်ခွင့်ရှိသည်။
တွေးသူ၏ စိတ်က တွေးချင်ရာ တွေးနိုင်၏။ ဥပမာ မီးကိုမြင်လျှင် မြင်သိ၌ ထိုအရာသည် မီးဖြစ်သည် ဟူ၍သာ သိနိုင်ခွင့်ရှိပြီး ထိုအရာသည် ရေဖြစ်သည်ဟူ၍ သိနိုင်ခွင့် မရှိချေ။ တွေးခေါ်မြှော်မြင်သူအဖို့တွင်ကား မီးကိုရေဖြစ်သည်အထိ တွေးခေါ်နိုင်သည်။ ဂရိတွေးခေါ်ရှင်တဦးဖြစ်သူ (Thales) ၏ အဘိဓမ္မာကို ဖတ်ဖူးသူတိုင်း ဤအချက်ကို သိနိုင်ပေသည်။ သျှင်ဥက္ကဌအား ဤနေရာတွင် တခုမေးလိုပါသည်။ စိတ်သည် အရှိတရားမဟုတ်ဟုဆိုပါလျှင် မြင့်မားသော သိမှုများဖြစ်ကြသော တွေးခေါ်မြှော်မြင်မှု၊ သတိယမှု၊ ထပ်ပြန်စဉ်းစားမှု၊ မှတ်မိမှု တို့ဘယ်ကဲ့သို့ လူတွင်ဖြစ်ပေါ်နေပါသနည်း။ ရှင်းပြနိုင်လျှင်
ရှင်းပြစေလိုပါ သည်။ ဤအခန်းတွင် သိမှုဆိုင်ရာသဘောတရားနှင့် ပါတ်သက်၍ တင်ပြဆွေးနွေးစရာ အချက်ကလေးများ မြောက်များစွာကျန်ရှိနေသေးသော် လည်း ကျမ်းလေးအံ့စိုး၍ ဤမျှနှင့် ရပ်နားလိုက်ရပါသည်။

http://kyawkomin.multiply.com/journal/item/52/52

သိမှုဆိုင်ရာပြဿနာများ
(၁) သျှင်ဥက္ကဌဘယ်လဲ…
ဤမေးခွန်းကို အစဦးစွာမေးလိုက်ရသော်လည်း ကျွန်ုပ်တို့တွင် မေးချင်သောစိတ် ပေါ်လာသည်မှာကား သူ၏စာစုအတော်များများကို ဖတ်ပြီးနောက်တွင်ဖြစ်သည်။ မြန်မာနိုင်ငံတွင် သျှင်ဥက္ကဌကဲ့သို့ ပုဂ္ဂိုလ်မျိုး ပေါ်ပေါက်လာခြင်းသည် ကျွန်ုပ်တို့အဖို့ ၀မ်းနည်းစရာဟု မြင်ရန်အကြောင်း မရှိ ၀မ်းသာစရာကောင်းသော အချင်းအရာတစ်ရပ် ဖြစ်သည်ဟုသာ ထင်မြင်မိသည်။ ဤသို့ဆိုလိုက်သောကြောင့်ျှင်ဥက္ကဌကိုမလိုလားကြသော
ရဟန်းရှင်လူတချို့က ကျွန်ုပ်တို့အား အပြစ်မြင်ကြမည်လား မဆိုနိုင်။ ဤမျှကြီးကျယ်သော သာသနာ့ ဆူးငြှောင့်ခလုတ်ကြီး တစ်ခုပေါ်ပေါက်လာခြင်း ကို ၀မ်းသာရသလောဟု မေးချင်ကြဦးမည်လား မပြောတတ်။ မည်သို့ပင်ဆိုစေ ရှေးမဆွက စကားဦးတွင် ဆိုခဲ့ပြီးသကဲ့သို့ သျှင်ဥက္ကဌအား သာသနာ့ဆူးငြောင့်
ဟူ၍ အဆုံးအဖြတ်ပေးရန် ကျွန်ုပ်တို့တာဝန်မဟုတ်ရကား ဘာမျှမပြောလိုပေ။ သျှင်ဥက္ကဌလို ပုဂ္ဂိုလ်မျိုး ရဟန်းအဖြစ် ပေါ်ပေါက်လာသည်ဖြစ်စေ၊ လူအဖြစ် ပေါ်ပေါက်သည်ဖြစ်စေ ကျွန်ုပ်တို့ ၀မ်းသာရပေမည်။ အဘယ်ကြောင့် သင်တို့ ၀မ်းသာနေရသနည်းဟု တချို့ကမေးချင်ကြပေဦးမည်။ အဖြေမပေးမီ
သျှင်ဥက္ကဌ ရပ်တည်နေသော အခြေအနေကလေးတချို့ကို စာဖတ်သူ ရဟန်းရှင်လူ ပုဂ္ဂိုလ်တို့ သဘောပေါက်ရန် အနည်းငယ် ရှင်းပြလိုပါသေးသည်။ ကျွန်ုပ်စာရေးနေသော စားပွဲပေါ်တွင် သျှင်ဥက္ကဌ၏ စာအုပ်များဖြစ်သော -
(၁) ဗုဒ္ဓလမ်းစဉ် (၂) ဗုဒ္ဓစာချွန်တော် (၃) အနတ္တရောင်ခြည် (၄) ဘ၀ရေစီး (၅) စဉ်ပြိုင်သာသနာ (၆) လူသေလူဖြစ် (၇) အိုယောဂီ သင်ဘယ်ဆီသွားမလဲ စသောစာအုပ်များ ပြန့်ကြဲနေလေသည်။ ဤစာအုပ်ကိုမရေးမီ သူ၏စာအုပ်များ ကို (ယခင်ဖတ်ဘူးသော်လည်း) ထပ်တလည်းလည်း ပြန်ဖတ်ရသည်။
ဖတ်တိုင်း ဖတ်တိုင်း ဤစာအုပ်တွင် ဝေဖန်တင်ပြထားသော ချွတ်ချော်မှု အတွေးအခေါ် ယုတ္တိမတန်မှုများကလွဲ၍ ကျန်အပိုင်းမှာ မြန်မာနိုင်ငံအတွက် အတော်ပင် ကျေးဇူးများကြောင်း တွေ့ရပေသည်။ သျှင်ဥက္ကဌ၏ စေတနာကိုလည်း စာအုပ် တိုင်းလိုမှာပင် တွေ့ရသည်။ ထိုသို့တွေ့ရသောအခါ
ကျွန်ုပ်စိတ်ထဲတွင် ဖြစ်ပေါ်နေသော သျှင်ဥက္ကဌနှင့် ပြင်ပလောကတွင် ဖြစ်ပေါ်နေသော (အများသူငါ စွဲချက်တင်နေသော) သျှင်ဥက္ကဌသည် အတော်ပင် ခြားနားနေပေ တော့သည်။ ကျွန်ုပ်အထင်သာ မှန်သည်ဟူသော အစွဲမျိုးမထားသော်လည်း၊ မိမိတို့အထင်အမြင်တို့ အဘယ်ကြောင့်မတူညီရပါသနည်းဆိုသော
အချက်ကို မူ မေးမြန်းစစ်ဆေးကြည့်ချင်သော စိတ်များ တဖွားဖွားပေါ်လာလေသည်။
သျှင်ဥက္ကဌအား လူသေလူဖြစ်မှစ၍ ရဟန်းပုဂ္ဂိုလ်များနှင့် ဗုဒ္ဓ၀ါဒီလူပုဂ္ဂိုလ် များက အသိများလာကြပြီး ဆန့်ကျင်လာကြခြင်းဖြစ်သည်။ ထို့နောက် သတင်းစာများတွင် ဟိုးလေးတကျော်ဖြစ်လာရာမှ သျှင်ဥက္ကဌ၏ လူသေလူဖြစ် ကိုလည်းမဖတ်ဖူး၊ တခြားစာအုပ်များကိုလည်း မဖတ်ဖူး၊ ဖတ်ဖူးပါသော်လည်း အစအဆုံး ကုန်စင်အောင်နားမလည်သူများ အားလုံးလိုလိုသည် သျှင်ဥက္ကဌအား ဆန့်ကျင်သူများဖြစ်လာသည်။ သျှင်ဥက္ကဌ၏စာပေကို ဖတ်ဖူးသူနှင့် မဖတ်ဖူးသူ နှိုင်းစာလျှင် မဖတ်ဖူးသေးသူ များလှသည်။ ဖတ်ဖူးသူများအနက်တွင်လည်း နားလည်သူနှင့် နားမလည်သူများကို နှိုင်းစာ
လျှင် နားမလည်သူဦးရေက ပို၍များသည်။ သို့ရာတွင် သျှင်ဥက္ကဌကို လိုလားသူ နှင့် မလိုလားသူဦးရေကို နှိုင်းစာလျှင် မလိုလားသူတို့က ပို၍ များနေကြောင်း လူတိုင်းအသိ ဖြစ်သည်။ အဘယ်ကြောင့်ပါနည်း။ စဉ်းစားဖို့အချိန်တန်ကြပြီဟု ကျွန်ုပ်တို့ မြင်သည်။ ထို့ကြောင့် ဤစာအုပ်ကို ရေးချင်စိတ်ပေါ်ခဲ့ရခြင်း
ဖြစ်လေသည်။ သျှင်ဥက္ကဌ၏ စာအုပ်ကိုဖတ်မိသောအခါ မြန်မာနိုင်ငံလို နိုင်ငံမျိုးတွင် နားလည်သူဦးရေနည်းရခြင်း အကြောင်းများကို နားလည်လာမိ ပါသည်။ သျှင်ဥက္ကဌ၏ စာပေများကိုနားလည်လိုလျှင် (က) ဗုဒ္ဓကျမ်းဂန်များကို အတော်အတန် တီးမိခေါက်မိထားပြီးသူများ ဖြစ်ရမည်။ (ခ) လက်ရှိကမ္ဘာပေါ် တွင်
ပေါ်ပေါက်ဖြစ်ထွန်းနေသော အတွေးအခေါ်များ (Contemporary Philosophy) ကိုလည်း အတန်အသင့် ဖတ်ဖူးနားဝရှိသူ ဖြစ်ရမည်။ (ဂ) ခေတ်သစ်သိပ္ပံပညာ တိုးတက်ဖြစ်ထွန်းကြောင်း တရားများကိုလည်း သိရှိထားသူများဖြစ်ရပေမည်။ ယခုမြန်မာနိုင်ငံတွင် သျှင်ဥက္ကဌအား ဆန့်ကျင်နေသူများမှာ
သူ၏ရေးသားဟောပြောမှုများကို မကြိုက်၍ ဆန့်ကျင်ကြသည် ဆိုပါမူ၊ သူ့တရားများကို နားလည်နိုင်သူဦးရေ မည်မျှ ရှိကြပါမည်လဲ။ စဉ်းစားစရာရှိပေသည်။ မှန်သည်မှားသည်ဆိုသော အဆုံးအဖြတ် ကိစ္စမှာ မိမိတို့နားလည်သောကိစ္စတွင်သာ ပြုလုပ်နိုင်ကြသည် မဟုတ်ပါလော။ နားမလည်ပဲ မှားသည်မှန်သည်
အဆုံးအဖြတ်ပေးနေကြသော အလေ့အထကား လွန်စွာစိတ်ပျက်ဖွယ်ရှိလှ၏။
သျှင်ဥက္ကဌ၏ တရားများ မှန်သည်မှားသည်ကို ဝေဖန်တင်ပြမည်ဖြစ်ရကား ဦးစွာသူ့တရားများကို နားလည်ထားရန်လိုပါသေး၏။ သျှင်ဥက္ကဌ၏စာစုများ အားလုံးလိုလို၌ လူသားတို့မှာစွဲထင်နေသော အစွဲ (ဥပါဒါန်) များ ပပျောက်ရေး ကိုသာ ထပ်တလဲလဲ အင်အားရှိသမျှ တိုက်တွန်းထားလေသည်။ အစွဲဆိုရာမှာ လည်း ကြောင်းကျိုးမမှန်၊ ယုတ္တိမတန်၊ အထောက်အထားမရှိသောအစွဲများ ဖြုတ်ကြဖို့
အချိန်တန်ပြီဖြစ်ကြောင်းနှိုးဆော်ထား၏။ သူ၏နောက်ဆုံး ပြုစုခဲ့သော အစွဲပြုတ်၊ တဲကုတ်ရွှေနန်းတော် စာအုပ်သည် ဆိုခဲ့ပြီးသော ဥပါဒါန် ပပျောက်ရေး အကြောင်းကိုပင် ရှေ့ရှုထားသည်ကို တွေ့ရပေသည်။ အစွဲပြုတ် တဲကုတ်ရွှေနန်းတော်ကို သီးသန့်တခန်းဖွင့်၍ တင်ပြဦးမည်ဖြစ်ပေရာ ဤနေရာ တွင်
ထပ်လောင်းမရေးသားလိုတော့ပေ။ ယခုတင်ပြလိုသော အချက်တစ်ချက်ရှိပါသည်။ သျှင်ဥက္ကဌသည် ဗုဒ္ဓသာ သနာဝင်ရဟန်းတစ်ဦးအနေနှင့် ဤမည်သောရဟန်းရှင်လူတို့နှင့် (အထူးသဖြင့် ဗုဒ္ဓ၀ါဒီများ) ဆန့်ကျင်သော စာစုများကို အဘယ်ကြောင့်ရေးသားကာ ဘာသာရေးလှုပ်ရှားမှုကြီး တစ်ရပ်ကိုဖန်တီးနေရပါသနည်း။
ဤမေးခွန်းသည် ဦးစွာမေးသင့်သော မေးခွန်းတစ်ခုဖြစ်၏။ အဖြေကားရှင်း၏။
(၁) သျှင်ဥက္ကဌ သည် ဗုဒ္ဓ၀ါဒကိုလက်ခံစေကာမူ (လက်မခံဟူ၍လည်း ငြင်းမည်မဟုတ်) ယခုခေတ် နိုင်ငံတကာ၌ထွန်းကားနေသော ဗုဒ္ဓ၀ါဒမျိုးကို လက်မခံလိုသူ ဖြစ်သည်။ တနည်းဆိုရပါမူ လူနေမှုစံနစ်တစ်ခုက အတောင်အလက်တပ်ကာ ချဲ့ကားချင်တိုင်းချဲ့ကားပြီး နဂိုဟန်
ပပျောက်နေသော ဗုဒ္ဓ၀ါဒကို လက်မခံ လိုပေ။ ထို့ကြောင့် သူ၏ ဗုဒ္ဓစာချွန်တော် စာမျက်နှာ (၂၄) တွင် အောက်ပါ အတိုင်း ရေးပြထားသည်။ (၇) ဗုဒ္ဓ၀ါဒ၏ သက်တမ်းကား အနှစ် ၂၅၀၀ ကျော် တော့ အတော်ရှည်လျှား ပြီဟု ဆိုနိုင်သည်။ ထို့ပြင်ဗုဒ္ဓဓမ္မ၏ ခရီးစဉ်ကို ဂဏာန်းချ၍ကြည့်ခဲ့လျှင်
မိုင်ပေါင်းထောင်သောင်းကျော်လွန်နေပြီ ဖြစ်သောကြောင့် ၄င်း၏လမ်းစဉ်လည်း မတိုတောင်းလှဟု ဆိုနိုင်သည်။ ထိုမျှရှည်လျှား သော ခရီးစဉ်ကိုမရပ်မနား တွင်တွင်ကြီးနှင်လာခဲ့သော ထိုမျှမကြာငြောင်းတဲ့ အချိန်အတွင်းမှာ ဗုဒ္ဓဓမ္မသည် တိုင်းကြီးအသွယ်သွယ်၊ ပြည်နယ်အစို့စို့၊ မြို့ကြီးရွာကြီး၊ မြို့သိမ်ရွာငယ်
မဖယ်မကွင်းပဲ အလင်းရောင်ကို ပေးခဲ့လေပြီ။ ထိုမျှမကဘဲ ဖြတ်သန်း၍လာရာ နိုင်ငံများကို ဗုဒ္ဓဆိုင်ရာ ယဉ်ကျေးမှုများဖြင့် ကြွယ်ဝစေခဲ့ပြီ။ ထိုသို့ကြွယ်ဝစေသောကြောင့် ထိုထိုဒေသနှင့် ဒေသန္တရတို့က လည်း (ဗုဒ္ဓ၀ါဒကို ကျေးဇူးပြန်ပေးဆပ်သော အနေဖြင့် ၄င်းတို့၏ဒေသဆိုင်ရာ
ဥပါဒါန်အစွဲအလမ်းနှင့်တကွ ပူဇော်မှု၊ ကိုးကွယ်မှု၊ ပသမှုစသည်တို့ကို ရက်ရက်ရောရော မလွှတ်မငြင်းသာအောင် ဇွတ်အတင်းထိုးသွင်း၍ ပေးလိုက် လေပြီ။) သို့ဖြစ်ရာ ဗုဒ္ဓဓမ္မဟူသော သစ်ပင်ကြီးသည် အကိုင်းအခက်အလက် ဝေဆာပြီး ဧရာမရိပ်မြုံကြီးဖြစ်နေလေ၏။ (ဗုဒ္ဓဓမ္မဆိုင်ရာ ဗုဒ္ဓ၀ါဒအစစ်အမှန် ကြီးကို
လိုက်လံရှာဖွေရန် အလွန်မတန် ခက်ခဲတဲ့အခြေသို့ ဆိုက်ရောက်လျှက် ရှိနေချေပြီ။) အထက်က ဖေါ်ပြခဲ့သော သျှင်ဥက္ကဌ၏ တင်ပြချက်မှာ အဘယ်ကို
ဆိုလိုသနည်း။ အလွယ်ဆုံး အရှင်းဆုံးတင်ပြရလျှင်
(က) ဗုဒ္ဓပေါ်ပေါက်ခဲ့သည်မှာ ကြာပြီ
(ခ) ဗုဒ္ဓ၀ါဒကြီးမှာ တိုင်းနိုင်ငံတိုင်းသို့ ပြန့်နှံကာ လူမျိုးတိုင်း၏
ဓလေ့ထုံးစံများနှင့် ရောနှောလျှက်ရှိနေလေပြီ
(ဂ) လူမျိုးတိုင်း၏ ဓလေ့ထုံးစံများ ရောနှောပြီး ယဉ်ကျေးမှု အရောင်မျိုးစုံ ဆိုးထားပြီး ဖြစ်ရကား စင်းလုံးချော ဗုဒ္ဓ၀ါဒကိုမတွေ့နိုင်၊ တွေ့ဖို့အလွန် ခက်ခဲနေလေပြီ ဟူ၍ဖြစ်၏။ ထို့ကြောင့် သျှင်ဥက္ကဌက စင်းလုံးချော ဗုဒ္ဓ၀ါဒကို ရှာသည်ဟုဆိုသည်။ သို့သော် စင်းလုံးချော ဗုဒ္ဓ၀ါဒကို
သျှင်ဥက္ကဌ ရှာပုံတော် ထွက်ပုံ မှန်ပါလေသလော။ ဤမေးခွန်းသည် ကျွန်ုပ်တို့ကြပ်ကြပ်မေး လိုသော မေးခွန်းဖြစ်သည်။
(၂) သျှင်ဥက္ကဌသည် ဗုဒ္ဓ၀ါဒကို ယုံကြည်သည်။ ဗုဒ္ဓ၀ါဒတွင်မှ သမ္မာဒိဌိကို ရှာသည်ဟု သူ၏စာအုပ်အသီးသီးတွင် ဖေါ်ပြရာ၌ ခေတ်အလျောက်
တိုးတက်ဖြစ်ထွန်းလာသော သိပ္ပံပညာကို လက်မလွှတ်ဘဲ မိမိရရ ဆုပ်ကိုင်ထား သည်ကို တွေ့ရသည်။ သျှင်ဥက္ကဌသည် သိပ္ပံပညာမှ ချမှတ်ထားသော
မူလအခြေခံတရားများကိုလည်း ယုံကြည်စွာ လက်ခံထားသူ ဖြစ်ကြောင်း သူ၏ဘ၀ရေစီး စာအုပ်တစ်အုပ်တည်းနှင့်ပင် လုံလောက်သော သက်သေရှိသည်။
တနည်းဆိုရလျှင် ယခင်ကလူသားတို့၌ စွဲထင်နေသော ဥပါဒါန်များကို သျှင်ဥက္ကဌ အစွဲဖြုတ်ရာ၌လည်း ခေတ်သစ်သိပ္ပံပညာမှ အယူအဆများကို သူ၏မူလလက်နက်ကြီးများအဖြစ် သုံးထားသည်ကို တွေ့ရသည်။ ဤကား သျှင်ဥက္ကဌ မငြင်းသာအောင် ရှင်းရှင်းကြီး အထင်းသား ပေါ်နေသော ကိစ္စသာဖြစ်လေသည်။ ဗုဒ္ဓ၀ါဒသည် သိပ္ပံပညာနှင့် အံဝင်ဂွင်ကျ ရှိသည် ဟုပြလိုသည်ကို မဝေဖန်သင့်ဟု ဆိုသော်မှပင် ဝေဖန်ရတော့မည့် အကြောင်းမူကား သူက ဒါဝင်သီအိုရီလောက်ကိုသာ တကဲ့သိပ္ပံပညာဟု ယူဆထားသောကြောင့်တည်း။ သို့ဆိုလေသောကြာင့် ကျုပ်က ခေတ်မဆန်တဲ့ ၀ါဒကို
ခေတ်မှီလာအောင် မီးရှုးတန်ဆောင် ထွန်းပြတာဘဲ ဟူ၍ သျှင်ဥက္ကဌ ဆင်ခြေ ပေးလေဦးမည်လား မပြောတတ်ပေ။ ပေးမည်ဆိုလျှင် ပေးနိုင်ကောင်း သော အချက်ဖြစ်သည်။ အဘယ်ကြောင့်ဆိုသော် ဤခေတ်ကြီးတွင် အင်အားကြီးမားသော သိပ္ပံပညာ၏ လွှမ်းမိုးမှုကို လူတိုင်းခံရသည့်အတွက် ဖြစ်သည်။
ထို့ကြောင့် သျှင်ဥက္ကဌလည်း ဗုဒ္ဓ၀ါဒကို သိပ္ပံနည်းကျ၊ ယုတ္တိတန် သော ဘာသာရေးဝါဒ (Scientific Religion) အဖြစ်ဖန်တီးရခြင်းဖြစ်၏။ ဤသို့ ဆိုလျှင် စဉ်းစားစရာဖြစ်လာပြန်၏။ (ရှေးကဗုဒ္ဓ၀ါဒသည် လူမျိုးတကာ၏ ယဉ်ကျေးမှု လွှမ်းမိုးခံနေရသောကြောင့် စင်းလုံးချောမဖြစ်နိုင်ခဲ့သကဲ့သို့ ယခု သျှင်ဥက္ကဌလက်ထက်တွင် ဗုဒ္ဓ၀ါဒသည် သိပ္ပံပညာလွှမ်းမိုးခံရသော (စင်းလုံးချော မဟုတ်သော) ဗုဒ္ဓ၀ါဒပင် ပြန်ဖြစ်ရပြန်လေပြီတကား။ ရှေးကတော့ ဗုဒ္ဓ၀ါဒထဲတွင် ဓလေ့တွေ ထုံးစံတွေ ရောနေ၍ ဗုဒ္ဓ၀ါဒအစစ် မဟုတ်ဟူ၍ဆို၏။ ယခုတော့ သျှင်ဥက္ကဌလက်ထက်တွင် သိပ္ပံပညာလောင်းရိပ် မိသော ဗုဒ္ဓ၀ါဒဖြစ်ချေသောကြောင့် ဗုဒ္ဓ၀ါဒအစစ်ဖြစ်ပြီလော။ ဟုတ်တယ် ဗုဒ္ဓ၀ါဒအစစ်ဘဲ။ ဘာကြောင့်လည်းဆိုတော့ သိပ္ပံပညာဟာ လက်တွေ့ မျက်တွေ့ဖြစ်လို့
မှန်တယ်။ ဒါကြောင့် သိပ္ပံပညာလွှမ်းမိုးမှ သိပ္ပံနည်းတွေ့ ဂွင်ကျမှ ဗုဒ္ဒ၀ါဒဟာလည်းမှန်တော့မပေါ့ဟု သျှင်ဥက္ကဌဆိုချင်ဦးမည်လား။ သို့ဆိုလျှင်ကား အတွေးအခေါ်အတန်ရှိသူများ၏ မျက်မှောက်တွင် သျှင်ဥက္ကဌ၏ အတွေးအခေါ် ယုတ္တိမတန်၊ မှောက်မှားလေပြီ ဖြစ်ကြောင်း လယ်ပြင်တွင် ဆင်သွားသလို
အထင်းသားပေါ်လာပေလိမ့်မည်။ (၃) သျှင်ဥက္ကဌက ဗုဒ္ဓစာချွန်တော် စာမျက်နှာ (၂၅) တွင် တိကျမှန်ကန်သော ဗုဒ္ဓ၀ါဒကား ဥပါဒါန်အဆွယ်အပွါးနှင့် အစွဲအလမ်းများ လုံးဝကင်းစင်၏။ ဟူ၍ ဖေါ်ပြထားရာ၌ သိပ္ပံနည်းကျမှုသည် အဓိကဟုဖေါ်ပြထားခြင်းမရှိပေ။ ၄င်းကိုယ်တိုင်ကလည်း သိပ္ပံပညာနှင့် ဗုဒ္ဓ၀ါဒဘောင်ဝင်အံကျရှိမှ ဗုဒ္ဓ၀ါဒသည်
စစ်မှန်ရမည်ဟူသော ယုံကြည်မှုမျိုး မထားသောကြောင့်ပင် ဖြစ်တန်ရာ၏။ သို့ရာတွင် ဤနေရာ၌ ဥပါဒါန် အဆွယ်အပွါးနှင့် အစွဲအလမ်းများ လုံးဝကင်းသည် ဆိုသော စကားမှာ အဓိပ္ပါယ်အယူအကောက် လွှဲမှားစွာ ကောက်ယူ ရရှိနိုင်၏။ သျှင်ဥက္ကဌသည် ဥပါဒါန်ဆိုရာ၌ အဘယ်ဥပါဒါန်မျိုးကို ဆိုသနည်း ဟုမေးရန်
အကြောင်းရှိ၏။ သို့သော် သူ၏စာစုများကို လိုက်လံရှာဖွေကာ စောကြောကြည့်မည် ဆိုလျှင်ကား၊ နောက်ဆုံး သူ၏ အစွဲပြုတ်တဲကုတ် ရွှေနန်းတော် စာမျက်နှာ (၁၂) တွင်ဖေါ်ပြထားသည့် ဒေသဆိုင်ရာအစွဲ၊ လူမျိုးဆိုင်ရာအစွဲ၊ ယုံကြည်မှုဆိုင်ရာအစွဲ (၀ါ) ကာမစွဲ၊ အယူစွဲ၊ ဓလေ့စွဲ၊ အတ္တစွဲ တို့ပင်ဖြစ်၏။
ထိုအစွဲများအနက်တွင်မှ ကာမစွဲသည် အရှိဝတ္ထုတို့ကို စွဲခြင်းဖြစ် ၍ လွဲမှားသောအစွဲမဟုတ်၊ သို့ရာတွင် အယူစွဲ၊ ဓလေ့စွဲနှင့် အတ္တစွဲတို့ကား မရှိတာကို တွေးတောကြံစည်၍ မရှိတာကို သဲသဲမဲမဲ လိပ်ခဲတင်းလင်း စွဲနေ ကြခြင်းကြောင့် ၄င်းတို့ကို ဖြိုခွင်းရန် အားထုတ်ရမည်။ ဤသို့ ရှင်းလင်းဖေါ်ပြ ခဲ့သည့်အတွက်
မရှိစွဲနှင့် အရှိစွဲတွင် သျှင်ဥက္ကဌက အရှိစွဲသည်မမှား၊ မရှိစွဲသာ အမှားဟူ၍လည်း ကောက်ချက်ချထားပြန်လေသည်။ ဤစကား မှားသည်ဟူ၍ (လူသားအနေနှင့်)
မဆိုသာသော်လည်း ဗုဒ္ဓ၀ါဒတွင် ဘယ်အစွဲပဲဖြစ်ဖြစ် မှားသည်သာဖြစ်၏။ ဤစကားကိုလည်း သျှင်ဥက္ကဌက အထက်တွင်ဖေါ်ပြသည့် အတိုင်း စစ်မှန်သောစင်းလုံးချော ဗုဒ္ဓ၀ါဒသည် ဥပါဒါန်အဆွယ်အပွါး လုံးဝ ကင်းစင်၏ ဟူသောစကားက လုံးဝထောက်ခံပြီးသား ဖြစ်၏။ သို့ပါလျှက် ဗုဒ္ဓ၀ါဒ အစစ်အမှန်ကိုရှာနေသော သျှင်ဥက္ကဌသည် အရှိစွဲဥပါဒါန်ကို မမှားဟု အဘယ့်ကြောင့် ဆိုပါလေသနည်း။ ဥပါဒါန်အဆွယ်အပွါး ကင်းမှ ဗုဒ္ဓ၀ါဒ စစ်မှန်မည်
ဆိုပြီး အရှိစွဲတော့ရှိနိုင်သည်ဆိုခြင်းမှာ သျှင်ဥက္ကဌ စိတ်မနှံ့ပင် ဖြစ်သလောဟု တွေးဖွယ်ဖြစ်လာပါသည်။ သျှင်ဥက္ကဌ၏ ရှေ့စကားနောက် စကား မညီညွတ်မှု၊ အဘိဓမ္မာ တိမ်းစောင်းမှုသည် အထင်းသားပေါ်နေလေပြီ။ ဤနေရာ၌လည်း သျှင်ဥက္ကဌ၏ ရပ်တည်နေသော အခြေအနေကို မြင်သာထင်သာ၏။ အရှိစွဲဆိုရာ၌
သျှင်ဥက္ကဌသည် သဘာဝတ္တသိပ္ပံပညာ၏ အယူအဆများနှင့် လက်တွေ့မျက်တွေ့ဝါဒကို ကိုင်ထားကြောင်းမှာ ထင်ရှားလှ ၏။ ဗုဒ္ဓ၀ါဒမှာကား အနတ္တ၀ါဒသာဖြစ်၍ အရှိစွဲ (အတ္တစွဲ) ကင်း၏။ သျှင်ဥက္ကဌက မူ အရှိစွဲ (အတ္တစွဲ) သည် မှန်သည်ဟု ဆိုချေသည်။ ဗုဒ္ဓပင် မှားသလော၊ သျှင်ဥက္ကဌပင် မှားသလော ဟု မေးရမလိုဖြစ်တော့သည်။ သို့လျှင်ဗုဒ္ဓ၀ါဒကို တစ်ဖက်ကကိုင် တစ်ဖက်ကမူ သိပ္ပံပညာကိုလည်း လက်မလွှတ်ဘဲ ဗုဒ္ဓ၀ါဒတည်း ဟူသော
အဆောက်အအုံတခုကို သိပ္ပံပညာတည်းဟူသော လက်တွေ့ မျက်တွေ့ ၀ါဒအုတ်မြစ်ပေါ်၌ တည်ဆောက်ရန် ကြိုးစားမှုသည် လည်း သျှင်ဥက္ကဌ၏ လုပ်ရပ်တစ်ခုပင် ဖြစ်လေသည်။ သို့သော် သျှင်ဥက္ကဌ သတိထားဖွယ်ကောင်းသော အချက်တစ်ခုမှာ အတွေးအခေါ်ပညာ၌ (Basic) ခေါ် အခြေခံ
မူလအုတ်မြစ်နှင့် (Superstructure) အဆောက်အအုံသည် အမြဲတမ်း လိုက်လျောညီညွတ်မှုနှင့် လိုက်လျောညီမှုရှိရန် လိုသော အချက်ပင် ဖြစ်လေသည်။
သျှင်ဥက္ကဌသည် မည်သူနှင့်ပင် ဆန့်ကျင်စေကာမူ မည်ကဲ့သို့ပင် သျှင်ဥက္ကဌအား ရဟန်းရှင်လူများက ဘာသာရေးရှုထောင့်မှ ကြည့်ရှု၍ ဝေဖန်ကြစေကာမူ ကျွန်ုပ်တို့အနေနှင့် ဘာသာရေးရှုထောင့်က ကြည့်သည် မဟုတ်၊ အတွေးအခေါ်ရှုထောင့်သက်သက်ကသာ ကြည့်ရှုဝေဖန်သည် ဖြစ်၍
(မှားသည်မှန်သည်အပထား၍) မြန်မာနိုင်ငံတွင် တွေးခေါ်မျှော်မြင်မှုဘက်က တိုးတက် ထွန်းကားလာအောင် လှုံ့ဆော်နိုင်သော ဆရာတော်အား ကျေးဇူး များစွာ တင်ရပေမည်။ တွေးခေါ်မျှော်မြင်မှု သဘောတရားသည် လူ့ဘ၀အား ရှေ့ဆောင်၏။ ထို့ကြောင့် အတွေးအခေါ် အမျှော်အမြင်မရှိသော လူ့အသိုင်း
အ၀ိုင်းသည် ဦးတည်ချက်မရှိသော လူ့အသိုင်းအ၀ိုင်းသာ တနေ့တခြား ဖြစ်လာရမည်။
ဤနေရာ၌ ဗုဒ္ဓအဘိဓမ္မာသည် မြန်မာလူမျိုးတို့၏ မြန်မာမှုယဉ်ကျေးမှု များဖြင့် ဘောင်ဝင်အံကျ ရှိနေပြီဖြစ်ရကား၊ မြန်မာ့လူမှု အဆောက်အအုံကို ဦးဆောင်နေသော အဘိဓမ္မာ မဟုတ်လောဟု မေးချင်သူများရှိကြပေလိမ့်မည်။ မေးချင်စရာကောင်းသော မေးခွန်းတစ်ရပ်လည်း ဖြစ်၏။ ဤနေရာတွင်
ကျွန်ုပ်တို့အနေနှင့် ခွဲခြားပြလိုသော အချက်တစ်ချက်ရှိပါသည်။ အမှန်မှာ အဘိဓမ္မာဆိုရာ၌ လောကီအဘိဓမ္မာနှင့် လောကုတ္တရာ အဘိ ဓမ္မာကို ခွဲခြားထားဖို့လိုပေသေးသည်။ ဘာသာရေးဆိုင်ရာ အဘိဓမ္မာသည် လူ့ဘောင်၌ လောကုတ္တရာ ရေးရာများကိုသာ ဦးစားပေး၍ ရှေ့ဆောင်သည် မဟုတ်ပါလော။ လောကီရေးရာ အတွေးအခေါ်များဖြစ်ကြသော လူမှုရေး အတွေးအခေါ် နိုင်ငံရေးအတွေးမှအစ ဒဿနိကဗေဒအဆုံး အားလုံးသည် ပစ္စက္ခလူ့ဘောင်နှင့် သက်ဆိုင်သည်သာ ဖြစ်၏။ ဗုဒ္ဓဓမ္မများတွင် (Philosophy) ခေါ် ဒဿနိကအမြင်သဘော သက်သက်က တစ်ပိုင်းရှိပြီး ဘာသာရေးက တစ်ပိုင်းရှိနေ၏။ မည်သို့ပင်ဆိုစေ ဗုဒ္ဓအဘိဓမ္မာကလည်း ဗုဒ္ဓဘာသာကို အားပေးထောက်ကူ ထားသည်သာဖြစ်၏။ ဤမျှဖေါ်ပြလိုက်ရုံနှင့် စာဖတ်သူ စာနာသူသည် သျှင်ဥက္ကဌ လျှောက်နေသော ခရီးလမ်းမှာ ဘယ်ဆီရောက်နေ
မှန်း သဘောပေါက်လာတန်ကောင်းပြီဟု မှတ်ယူမိပါသည်။ သျှင်ဥက္ကဌသည် ဗုဒ္ဓ၀ါဒ ဗုဒ္ဓအဘိဓမ္မာကို မူလအခြေခံပြောင်း၍ လောကီဆိုင်ရာ ၀ါဒများဖြင့် ပြန်လည်တည်ဆောက်ရန် ကြိုးစားခြင်းကား ဖြစ်နိုင်သော (၀ါ) ဖြစ်သင့်သော ကိစ္စမဟုတ်သည်ကို သာမန်လူပိန်းတစ်ဦးပင် နားလည်ကောင်းသော ကိစ္စတစ်ရပ်သာ ဖြစ်ပေသည်။ (၄) ဗုဒ္ဓစာချွန်တော် စာမျက်နှာ (၂၃) တွင် သျှင်ဥက္ကဌက (အမှန်ဓမ္မသည် အနာဒိဖြစ်၍ ၊ အစလည်းမထင်၊ ထို့ပြင် အနန္တ ဖြစ်သောကြောင့် အဆုံးလည်းမမြင်၊ အမှန်ကားအစအဆုံး ခွဲခြား၍ မရစကောင်း သော တစ်ခုတည်းသော သဘောဖြစ်သည်။ ဟူ၍ အမှန်တရား၏ သဘာဝကို ခွဲပြထား၏။ ကျွန်ုပ်တို့အနေနှင့်
အထက်ပါအမြင်သည် မှားသည်မှန်သည် ကိုမဖေါ်ပြမီ ထိုအယူအဆကား သျှင်ဥက္ကဌ၏ ပင်ကိုယ်အယူအဆသော်၎င်း၊ ဗုဒ္ဓ၏အယူအဆသော်၎င်း မဟုတ်ဘဲ အနောက်တိုင်းအဘိဓမ္မာဆရာတို့၏ အရိုးအရင်းစွဲ အယူဝါဒသာဖြစ်ကြောင်း ဖေါ်ပြလိုပါသည်။ အကယ်၍ အမှန်တရား အနက်ကို ထိုသို့သာ ၀ိဂြိုလ်ပြုပါက ဖြစ်ပေါ်လာမည့် အသိပညာ ဆိုင်ရာပြဿနာ အချို့ကို ထပ်လောင်း ဖေါ်ပြလိုပါသေးသည်။
အနောက်တိုင်း အတွေးအခေါ်များ၌ (Reality) ခေါ် အမှန်ဓမ္မ ကို အောက်ပါအတိုင်း သတ်မှတ်ယုံကြည်သည်။The real substance is infinite, unconditional, absolute and eternal.
သို့ဆိုလျှင် သျှင်ဥက္ကဌယုံကြည် လက်ခံသော အမှန်ဓမ္မသဘောတရားနှင့် အတူတူပင်ဖြစ်၏။ သို့သော် သျှင်ဥက္ကဌက မူမှန်ဓမ္မသည် အနာဒိဖြစ်၍ အစလည်းမထင်၊ ထို့ပြင် အနန္တဖြစ်၍ အဆုံးလည်းမမြင်၊ အမှန်ကား အစနှင့် အဆုံး ခွဲခြား၍ မရစကောင်းသော၊ တစ်ခုတည်းသော သဘောဖြစ်သည် ဆိုရာ၌
အမှန်ဓမ္မသည် နိစ္စထာဝရ ဖြစ်သည်ကိုကား ဖေါ်ပြ၍မထားပေ။ အမှန်ဓမ္မကို အနိစ္စဟူ၍ သုံးသပ်ထားသောကြောင့်လော မပြောတတ်ပေ။ အနိစ္စဆိုလျှင်ကား သျှင်ဥက္ကဌဆိုသကဲ့သို့ အနာဒိလည်းမဟုတ်၊ အနန္တလည်း မဟုတ်နိုင် တော့သည်ကို အနောက်တိုင်း အဘိဓမ္မာများကို နှံ့စပ်သော သျှင်ဥက္ကဌ
နားလည်သဘောပေါက် ပေလိမ့်မည်။ သို့သော် သူဖေါ်ပြသော အမှန်တရား သည် နိစ္စထာဝရဖြစ်မူ အဘယ်အရာကို ရည်၍ဆိုလေသနည်း။ အထက်က သဘောအတိုင်းဆိုရလျှင် (ဗုဒ္ဓ၀ါဒအရ) ဤလောကသံသရာတို့၌ အနိစ္စ၊ ထာဝရဟူသည် ဘယ်အရာရှိသနည်း။ အနိစ္စထာဝရမဟုတ်သော အရာတို့
သည် အဆုံးအစမထင်သော အရာများမဟုတ်ချေ။ အနိစ္စမှန်သမျှ အနန္တ မဖြစ်နိုင်၊ အနာဒိလည်း မဖြစ်နိုင်ချေ။ အနိစ္စမှန်သမျှ၌ ဖြစ်၊ တည်၊ ပျက် ကြ သည်သာဖြစ်၏။ သို့ဆိုလျှင် အစနှင့်အဆုံးရှိပြီး မဟုတ်လော။ သျှင်ဥက္ကဌ အနေနှင့် လောကတွင် အနိစ္စချည်း ဖြစ်ကြသည်ကား မှန်၏။ သို့သော် ထိုအနိစ္စဆိုသော သဘော(ဓမ္မ) ကား၊ နိစ္စထာဝရဖြစ်၏။ ဟူ၍ဆိုဦးမည်လား မပြောတတ်ပေ။ သျှင်ဥက္ကဌသည် သခါင်္ရတရားကိုပင် ထာဝရသစ္စာ၊
အမှန်တရားအဖြစ် ယူသလော၊ ရုပ်ကိုပင် ထာဝရသစ္စာအဖြစ်ယူသလော။
အကယ်၍ သျှင်ဥက္ကဌက ထိုသို့ငြင်းဆိုသည့်တိုင် ပြဿနာကား ရှင်းသွားပြီ ဟူ၍မဆိုသာချေ။ ပို၍ပင် ၀ိဝါဒကွဲပြားရမည့် သိမှုဆိုင်ရာ ပြဿနာတစ်ရပ် ဖြစ်လာပေတော့မည်။ သျှင်ဥက္ကဌအနေနှင့် ခေတ်သစ်တက္ကဗေဒမှ ခြုံယူဆင်ခြင် (Induction) သဘောကို အတော်အတန် တီးမိခေါက်မိထားမည်ဆိုလျှင်
အထက်ကအတိုင်း အဘယ်နိသျှကို အခြေပြု၍ဆိုနိုင်သနည်း ဟူသော မေးခွန်းနှင့် ရင်ဆိုင် ရမည်မှာ မုချဖြစ်တော့သည်။ တစ်နည်း လွယ်လွယ်ရှင်းရှင်း ပြောရလျှင် အနိစ္စ သဘောဓမ္မသည် နိစ္စဖြစ်ကြောင်း အဘယ်နည်းနှင့် သိပါသနည်း ဟူ၍ မေးရပေတော့မည်။ ဤနေရာ၌ ငါ တင်္ခဏုပ္ပတ္တိဥာဏ် (Intuition)
ဖြင့် သိတယ် ဟူ၍ ဆိုမည့် ပုဂ္ဂိုလ်မျိုးမဟုတ်ကြောင်း သူ၏အရေးအသားများက သိသာနိုင်၏။ အဘယ်ကြောင့်ဆိုသော် သျှင်ဥက္ကဌသည် လက်တွေ့မျက်တွေ့ ၀ါဒသမားတဦး ဖြစ်သောကြောင့်ဖြစ်၏။ တစ်နည်းဆိုရလျှင် သူ၏အရေးအသား များအရ သျှင်ဥက္ကဌသည် (Extreme Empiricist) လက်တွေ့မျက်တွေ့
အယူဝါဒ အယုံကျူးသူ ဟူ၍ပင်ဆိုနိုင်သေး၏။ သို့ဆိုလျှင် သျှင်ဥက္ကဌသည် လက်တွေ့ မမြင်ရသော ဤဓမ္မကြီးကို အဘယ်နည်းနှင့်သိနိုင်ပါသနည်း ဟူ၍ ထပ်မေးရန် ရှိပြန်ပါသည်။ တစ်နည်းရှိသည် မမြင်ရသောဓမ္မတရားကြီးကို လက်တွေ့ပြု၍ သိနိုင်သော နည်းတစ်နည်းရှိ၏။ ထိုနည်းမှာ ခြုံယူဆင်ခြင်နည်း
ယုတ္တိဗေဒနည်းပင် ဖြစ်သည်။ ဖေါ်ပြရပါမူ ဥပမာ (လောကတွင်ဖြစ်ဖြစ်သမျှ အရာတို့သည် အနိစ္စချည်း ဖြစ်ကြသည်) ဆိုရာ၌ ထိုသို့ဆိုနိုင်ရန်၊ တွေးခေါ်ရှင်သည် အရာဝတ္ထုတစ်ခုစီကို စစ်ကြည့်၏။ ထိုအခါ၌ သူတွေ့သမျှ၊ ဖြစ်၊ တည်၊ ပျက် ချည်း တွေ့ရ၏။ ထိုအခါ သူသည် (တွေ့သမျှ ပေါ်တွင်
အခြေတည်၍ ကျန်အရာဝတ္ထုတို့မှာ အနိစ္စ ဟုတ်မဟုတ် ထပ်မံ၍ မစစ်တော့ပဲ ယေဘူယျ အားဖြင့် ခြုံ၍ လောကမှာရှိရှိသမျှ အားလုံး အနိစ္စချည်းဖြစ်သည်။) ဟုဆိုလိုက် သည်။ သို့သော် သူလက်တွေ့မျက်တွေ့ သိသောအရာနှင့် မသိသောအရာတို့ တွင် (အားလုံးကိုခြုံ၍ ပြောသောကြောင့်) မသိသောအရာက
အဆပေါင်းများစွာ ပိုသည်။ ထို့ကြောင့်သူ၏ အဖြေသည်လည်း၊ မမှားစေကာမူ လုံးဝမမှန်ချေ။ ဖြစ်နိုင်သည် ဆိုရုံလောက်သာရှိ၏။ အနေကန်ဖြစ်၏။ ထိုအချက်၌ပင် ထိုသို့ အားလုံးခြုံပြောဘို့ရာ လွယ်ကူသော ကိစ္စမဟုတ်သကဲ့သို့ ပြောလိုက်သမျှ မှာလည်း အမြဲတမ်း မှားနိုင်ကြောင်း သတိပြုသင့်၏။
လောကတွင် မိမိတွေ့သမျှ မတည်မြဲဘူး ဆိုသော်လည်း တည်မြဲသောအရာ တွေ့သောအခါ စောစောက မိမိ၏အဆိုမှာ အမှားကြီး မှားပေမည်။ တည်မြဲသောအရာ မရှိဘူးဟူ၍ကော သိနိုင်၊ အတတ်သေချာပြောနိုင်သော အင်အား သျှင်ဥက္ကဌတွင် ရှိပါသလော။ ဤကား တရားလမ်းသင့်ရာ
ဖေါ်ပြခြင်းသာ ဖြစ်ပါသည်။ ဤနေရာ၌ လောကကြီးကို မသိနိုင်ဟူသော အယူသို့လိုက်၍ ကျွန်ုပ်တို့ဆိုခြင်းလည်း မဟုတ်။ လက်တွေ့တစ်ခုတည်းနှင့် ယေဘူယျတရား များကို သိဘို့မလွယ် သည်ကိုသာ ဖေါ်ပြလိုခြင်းသာဖြစ်သည်။ တဖန်တုံ ဆိုခဲ့ပြီးသကဲ့သို့ အနိစ္စချည်းဆိုသည့်တရားကိုပင် (မြတ်စွာဘုရား၏ သဗ္ဗညုတဥာဏ်နှင့် သိခြင်းကလွဲ၍) သျှင်ဥက္ကဌ၏ လက်တွေ့ မျက်တွေ့ ၀ါဒအရ မှန်မှန်ကန်ကန် သိဘို့ရန် မဖြစ်နိုင်လျှင် ထိုအနိစ္စတရားသည် အမြဲ(နိစ္စ) ရှိသည် ဟူ၍ပြောဘို့ရန်မှာ သာ၍ခက်သေး၏။
(ကျွန်ုပ်တို့၏ ရွှေဥဒေါင်းသို့ ပြန်ကြားချက် စာအုပ်တွင် ဓမ္မတာနှင့် သဘာဝဓမ္မတို့ကို ဝေဖန်တင်ပြရာ၌ ခေတ်သစ်သိပ္ပံအမြင်များနှင့် ယုတ္တိဗေဒမှ ဆင်ခြေတို့အကြောင်း အကျယ်တ၀င့်ရှင်းပြထား သောကြောင့် ထပ်မံရေးသား ရန်မလိုတော့ပေ။) (၅) သျှင်ဥက္ကဌကား စာအုပ်များစွာကို ရေးခဲ့ပြီ၊ သူ၏ဗုဒ္ဓ၀ါဒနှင့် သိပ္ပံ အယူအဆများ ရောမွှေထားသော ဖားတပိုင်း၊ ငါးတပိုင်း အဘိဓမ္မာများကိုလည်း များစွာ ပြောခဲ့ဟောခဲ့ပြီ။ အတွေးအခေါ်၌ ယုတ္တိတန်မှုသည် အရေးကြီးပြီး၊ ရှေ့နောက်စကား ညီညွတ်မှုသည် သာ၍အရေးကြီးကြောင်း
သျှင်ဥက္ကဌ သဘောပေါက်ဟန် မတူချေ။ အဆောက်အဦးနှင့် အခြေခံအုတ်မြစ်တို့ ကိုက်ညီမှု၊ လိုက်လျောညီညွတ်မှုသည် အတွေးအခေါ်တစ်ခု၌ သက်ခင်ဖြစ် ကြောင်း သျှင်ဥက္ကဌ သိနားလည်သင့်ပေသည်။ အတွေးအခေါ်စံနစ် တရပ်ကို ပြောင်းလဲလိုသော်၊ အခက်အလက်ကို ချိုင်၍မရ၊ အမြစ်ကလှန်ပြစ်ရသည်။ (၀ါ) အဘိဓမ္မာတစ်ခုကို ပြောင်းလဲလိုလျှင် မူလအခြေခံကို ပြောင်းပြစ်ရသည်။ ရှင်းရှင်းဆိုရလျှင် ဗုဒ္ဓဓမ္မ၏ အခြေခံကို
ဗုဒ္ဓ၏၀ါဒများဖြင့် မထားဘဲ၊ (Evolution) အီဗေါ်လူးရှင်း ကဲ့သို့သော သိပ္ပံရေးရာ ၀ါဒများနှင့် အခြားသိပ္ပံမူလ အခြေခံများ အစားထိုးလိုက်ပါက အထက်က အဆောက်အဦးလည်း ဗုဒ္ဓ၀ါဒ မဟုတ်တော့ဘဲ သိပ္ပံရေးရားဝါဒ တစ်ခုခုသာ ဖြစ်သွားဖွယ်ရှိသည်ကို သျှင်ဥက္ကဌ သဘောပေါက် ပါ၏လော။ ဗုဒ္ဓ၀ါဒ သဘောတရားများသည် သိပ္ပံနည်းကျရှိသည်ဟု ပြလိုလျှင်လည်း၊ ဗုဒ္ဓ၏ လောကအမြင်နှင့် ခေတ်သိပ္ပံ၏အမြင်များကို ယှဉ်နှိုင်း၍ ခိုင်ခိုင်မာမာဖြစ်အောင် ပြဖို့သာရှိပါသည်။ ဒါဝင် သီဝရီကြီးကို ဗုဒ္ဓ၀ါဒတွင်းသို့ အတင်းသွတ်သွင်းလာခြင်းသည် အခြေခံချင်းမတူညီသော အယူဝါဒနှစ်ရပ်ကို အတင်းပေါင်းစပ်ရာ ရောက်နေပေသည်။ အမှန်မှာ ဘာသာရေးနှင့် သိပ္ပံပညာ သည် အခြေခံခြင်း တူနိုင်ပါမည်လော။ စဉ်းစားစရာ ရှိပါသေး၏။ သျှင်ဥက္ကဌသည်
အဘယ်ကိုရည်၍ အဘယ်လမ်းကို လျှောက်လေသနည်း။ စူးစမ်းလေ့လာကြဦးစို့။

http://kyawkomin.multiply.com/journal/item/51

ကျောက်ကွင်းအရေးတော်ပုံ မှာအားနည်းချက်တွေရှိနေပါတယ်။ ပြောရမယ်ဆိုရင် ကိုယ့်အားနည်းချက် ကိုအရင်ပြောရျမှာဘဲ။
ကျောက်ကွင်းအရေးတော်ပုံကြောင်းအရင်လေ့လာပြီး အောက်ပါတို့ကိုဖတ်စေချင်ပါတယ်။
အညွှန်းကတော့ …
http://www.thanzinhlaing.com/forums/showthread.php?t=508

အရေးကြီးမှတ်ချက် ။ ။ ကျောက်ကွင်းအရေးတော်ပုံစာအုပ်သည် နိုင်ငံတော်မှထုတ်ဝေခွင့်ပိတ်ပင်ထားသောစာ အုပ်ဖြစ်ပါသည်။ အဘယ့်ကြောင့်နိုင်ငံတော်မှပင် ပိတ်ပင်ထားသည်ကိုစဉ်းစားစေချင်ပါသည်။ တော်တည့်၊ မှန်ကန်၊ တရားမျှတသော၊ အဆိပ်ကင်းသောစာအုပ်ဖြစ်လျှင် တားမြစ်ထားရန်မလိုပေ။ ယခုမှာမူ မိတူများသာပွားလျှက်ရောင်းနေပါသည်။

၁။ စည်းကမ်းချက် (၂) ထဲမှာ ဒီလိုဖော်ပြထားတယ်။ ခရစ်ယာန်ဘာသာနှင့် ဗုဒဘာသာနှစ်မျိုးအနက်မည်သည့်တရားက ကောင်းသည်၊ မှန်သည်ဟု ယှဉ်ပြိုင်ဟောပြော ….ရန် ..တဲ့။
…. ဘာသာရေးအရပြိုင်တာဆိုကတည်းက အခြေနေကဆိုးနေပြီ။ ခရစ်ယာန်ဘာသာက အဓိကလား။ ခရစ်တော်ကအဓိကလား။ ဘာသာတရား ကလူကိုမပြောင်းလဲစေနိုင်ပါဘူး။ ခရစ်တော်ဘုရားကသာ ပြောင်းလဲစေ နိုင် တာပါ။ ခရစ်တော်အကြောင်းထက် ခရစ်ယာန်ဘာသာကောင်းကြောင်းပြောနေလို့ကတော့ ရလဒ်ကောင်းမှာမဟုတ်ပါဘူး။
ဒါကြောင့် ကျောက်ကွင်းအရေးတော်ပုံမှာ ဒီလိုအဆုံးသတ်သွားရတာပါ။ ရေးထားတာကတော့………
—–ကျောက်ကွင်းရွာ တစ်ရွာလုံး တစ်ယောက်မကျန် ဗုဒ္ဓဘာသာဝင်များဖြစ်သွားကြလေသည်။ —-တဲ့။

၂။ ရှုံးသောဘက်မှ ငွေ ၅၀ ပေးရန်တဲ့ ။ ကျမ်းစာထဲမှာ ဧလိယက ဗာလပရောဖက်တွေနဲ့ပြိုင်ခဲ့တာဘဲ။ ဘာရယူုခြင်းမှ မပါဘူး။ ငွေ ပါလာတာ နောက်ပြသနာ။ ငွေအစား .. ၀ိညာဉ်တော်ပါရျမှာ။

၃။ စာအုပ်ရေးတဲ့သူ ….ဘယ်သူ့ဘက်ကလဲဆိုတာကြည့်ပါ။
တစ်ဘက်သက်ဆန်မှုတွေအထင်းသားမြင်တွေ့နေရပါတယ်။ ရှင်းရှင်းလင်းလင်းကိုပါ။ ဘက်လိုက်တဲ့စာရေးဆရာ
ဆိုရင်တော့ ရေးတဲ့စာဟာ .. ကလောင်အဆိပ်ဖြစ်သွားပြီ။ မမျှတတော့ဘူး။ ချန်တာ ပိုတာပါလာပြီ။ ချန်တာ ပိုတာပါတဲ့အခြေအနေ ကို ရေးထားတဲ့စာအုပ်ကို ဘယ်လိုအမှန်အနေနဲ့ ယုံလို့ရတော့မှာလဲ။

၎။ တရားဟောဆရာ ဦးသာဒင် ……….. သူ့ရဲ့ယှဉ်ပြိုင်မှုတွေဟာ ဧလိယနဲ့တော်တော်ကွာတယ်။ သူပြောသင့်တာ ခရစ်တော်အကြောင်း။ ခရစ်တော်ဟာ လူတွေကို ဘယ်လောက်ချစ်တယ်။ ဘယ်လိုကယ်လဲ။ ဘယ် လိုဘုရားဖြစ်လဲပေါ့။ ဒါပေမဲ့ .. သူက တဘက်ကိုတိုက်ခိုက်ဖို့ဘဲအားသန်နေတယ်။ တောက်လျှောက် တဘက်ကိုတိုက်ခိုက်တယ်။ ဒါ မှားတာဘဲ။ ပြိုင်လို့နိုင်ချင်တာ။ တဘက်ကိုဖိချင်တာ။ ဒါနဲ့ဘဲ ၀ိညာဉ်တော်ကထွက်ပြေးတာပေါ့။ ဧလိယတုန်းကဆိုရင် ရှင်းနေတာဘဲ။ သူကိုးကွယ်တဲ့ဘုရားရဲ့အသက်ရှင်ခြင်းကိုဘဲ တိုင်တည်တာ။
ဥပမာ – သိကြားတန်မဲ့ မိန်းမထမီအတွင်း ၀င်ရသတဲ့ လားဗျာ…..
- ဦးသာဒင် သည် `ဗုဒ္ဓ၀င်´ ကို ဝေဖန်တိုက်ခိုက်လေသည်။
-ဘုရားဖြစ်ဖို့ ပဋိသန္ဓေယူဖို့ တောင်းပန်မှ မယ်တော်မာယာရဲ့ ဗိုက်ထဲဝင်သတဲ့ဗျာ..
-ဒါပေမယ့် အခုလို ယုတ္တိကင်းမဲ့တဲ့ ရှေ့နောက်မညီညွတ်တဲ့ တရားတွေ တွေ့လာရတာနဲ့ ဗုဒ္ဓဘာသာကို စိတ်ပျက်ပြီး ခရစ်ယာန်ဘာသာထဲကို ၀င်ခဲ့သူဖြစ်ပါတယ်။
- ဒီမဟုတ် မဟတ် ဗုဒ္ဓဘာသာကို ဆက်ပြီး ယုံကြည်ကိုးကွယ်နေသမျှ အမှားနဲ့ရင်ဆိုင်နေရမှာသာ ဖြစ်ပါတယ်။ ဒါကြောင့် ရှေ့နောက်မညီညွတ်ဘဲ မှားယွင်းချွတ်ချော်နေတဲ့ ဗုဒ္ဓဘာသာတရားကို ယုံ ကြည်ကြမည်လား

၅။ ကျောက်ကွင်းရွာမှခရစ်ယာန်များ ……. ယုံကြည်ခြင်းမခိုင်တာပြသနာ။ ခရစ်ယာန်ဖြစ်ခြင်းဘဲသိပြီး .. ခရစ်တော်ကိုမသိတဲ့ပြသနာ။ အဓိက ကတော့ .. ထုတ်ပြစရာ အတွင်းသက်သေမရှိတာ။
ဘုရားသူတို့ကိုဘယ်လောက်ချစ်တယ်။ ဘယ်လိုကယ်တယ်။ ဘယ်လိုအဖြေပေးတယ်ဆိုတဲ့ သက်သေတွေမရှိတာ။

၆။ ဘာသာစကားကျွမ်းကျင်မှု (ဦးသာဒင်၏အသုံးအနှုံး) ………. ဒါလဲအားနည်းချက်တစ်ခုဘဲ။ သံနေသံထား။ အသုံးပြုပုံ။ ပရိသတ်။ ဒါတွေအားလုံးဟာ အရမ်းအရေးကြီးတာဘဲ။ နောက်တစ်ခုက .. ကျမ်းစာထဲက စကားလုံးတစ်ချို့ဟာဗမာစကားလုံးတွေနဲ့ရှင်းပြဖို့မလွယ်ဘူး။ ရှုပ်ထွေးလွန်းတယ်။

ဆက်ပါဦးမည် …

(အသေးစိတ်မရေးသားထားပါဘူး။ အသေးစိတ် ဆွေးနွေးလိုပါကကြိုဆိုပါတယ်။ မေးလ်ကတော့
LordLearsiSupernovo@gmail.com)

http://haineni.ning.com/profiles/blogs/3410811:BlogPost:20938 မှ ကူးယူဖေါ်ပြပါသည်။